Kolhapur Market Yard: नियमांना बगल देत साडेसहा कोटींची निविदा? शाहू मार्केट यार्डातील रस्ते काम संशयाच्या भोवऱ्यात

कोल्हापूर : देशाच्या विविध भागांतून येणाऱ्या शेतीमालाचे सौदे होणाऱ्या शाहू मार्केट यार्डातील अंतर्गत रस्त्यांची कामे करण्यासाठी साडेसहा कोटी रुपयांची निविदा प्रक्रिया गुपचूप राबवली जात असल्याचा आरोप होत आहे..नियमांना बगल देत राबवली जाणारी निविदा प्रक्रिया प्रत्यक्ष काम सुरू होण्यापूर्वीच संशयाच्या भोवऱ्यात सापडली आहे. रस्ते करावेत यास कोणाचाही विरोध नाही; मात्र त्यासाठी नियमाप्रमाणे पारदर्शक निविदा प्रक्रिया राबवावी, अशी अपेक्षा बाजार समितीशी संबंधित घटकांकडून व्यक्त होत आहे..Kolhapur Market Yard : भाजीपाला व्यापारी व सभापती यांच्यात जोरदार वाद, कोल्हापूर बाजार समितीमध्ये प्रकार; नेमकं काय प्रकरण?.यापूर्वी बाजार समितीत झालेली नोकरभरती वादग्रस्त ठरली होती. त्यावेळी वृत्तपत्रात जाहिरात देऊन राज्यभरातून साडेचार हजारांहून अधिक अर्ज आले होते, मात्र हे सर्व अर्ज बाजूला ठेवून तत्कालीन संचालक मंडळाने आपल्या नात्यातील व्यक्तींनाच नोकरीची संधी दिली. .या प्रकरणाची चौकशी झाली असून, त्या २९ कर्मचाऱ्यांना गेल्या सात वर्षांपासून न्यायालयात लढा द्यावा लागत आहे. आजही त्यांच्या नोकरीवर गदा येण्याची टांगती तलवार कायम आहे. या प्रकरणामुळे तत्कालीन संचालक मंडळाला राजीनामे द्यावे लागले आणि बाजार समितीचा चुकीचा कारभार चर्चेत आला..Kolhapur Market Yard : लसणाच्या 'फोडणी'ला महागाईचा 'तडका'; लसणाचा 360 ते 420 दर, कांद्यासह इतर भाज्यांचा दर किती?.हे प्रकरण अद्याप विस्मृतीत गेलेले नसताना, आता रस्ते कामाची निविदा गुपचूप उरकून त्यातून लाभ घेण्याचा प्रयत्न बाजार समितीत सुरू असल्याची चर्चा आहे. शाहू मार्केट यार्डातील विविध गल्ल्यांमधील अंतर्गत रस्त्यांची दुरवस्था झाली असून, ते नव्याने करणे आवश्यक आहे. .याबाबत दुमत नाही, मात्र त्यासाठी रितसर पद्धतीने दैनिकात जाहिरात देऊन निविदा काढणे अपेक्षित आहे, तरीही तसे न करता बाजार समितीतील काही संचालक आपल्या मर्जीतील एकाच ठेकेदारालाच कागदोपत्री निविदा मिळावी, यासाठी निविदा प्रक्रियेत जास्त कंत्राटदार सहभागी होणार नाहीत, याची काळजी घेत असल्याचा आरोप आहे..निविदेची माहिती सर्व ठेकेदारांपर्यंत पोहोचू नये, यासाठी केवळ ‘जाहिरात दिली आहे’ असे तोंडी सांगण्यात येत असून, प्रत्यक्षात वृत्तपत्रात जाहिरात पाहिल्याचे अनेकांना माहीत नाही, तरीही निविदा प्रक्रिया अंतिम टप्प्यात नेण्यात येत आहे. .निविदा जाहिरात मर्यादित ठेवल्याने प्रक्रियेत स्पर्धाच झाली नसल्याचे चित्र आहे. त्यामुळे ठेकेदार सांगेल त्याच दराने निविदा मंजूर करण्याचा प्रयत्न सुरू असल्याने संशय अधिक गडद झाला आहे..पणन संचालकांच्या सूचनेनुसार बाजार समितीतील पायाभूत सुविधांसाठी दैनिकात जाहिरात देऊन रितसर निविदा प्रक्रिया राबवणे बंधनकारक असताना हा नियम धाब्यावर बसवण्यात आल्याचा आरोप आहे..याबाबत बाजार समितीची बाजू समजून घेण्यासाठी सभापती व बाजार समितीच्या सचिवांशी संपर्क साधला असता सभापतींनी व्यक्तिगत कामात असल्यामुळे याबाबत नंतर बोलतो, असे सांगितले, तर सचिवांनी माहिती घेऊन सांगतो, असे सांगितले. .रस्ते कामाची गुणवत्ता, दर्जा तपासणार कोण?रस्ते कामाची गुणवत्ता व दर्जा तपासणार कोण, तसेच वापरण्यात येणाऱ्या साहित्याची जबाबदारी कोण घेणार? हे प्रश्न अनुत्तरित आहेत. सार्वजनिक बांधकाम विभागाचे रस्ते कामासाठी निश्चित निकष असताना त्यांची पडताळणी कोण करणार, हाही मुद्दा उपस्थित केला जात आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Kolhapur Market Yard: नियमांना बगल देत साडेसहा कोटींची निविदा? शाहू मार्केट यार्डातील रस्ते काम संशयाच्या भोवऱ्यात

Related Stories