सावधान! बंद घरांवर चोरट्यांचा डोळा ; सोन्याच्या दागिन्यांसह सव्वा दोन लाखांचा ऐवज लंपास

कोल्हापूर : ताराबाई पार्क येथील बंद बंगला चोरट्याने फोडला. त्यातील अडीच तोळे सोन्याचे दागिने, चांदीच्या वस्तू व रोख रक्कमेसह सव्वा दोन लाखांचा ऐवज लंपास केला. याची नोंद शाहूपुरी पोलिस ठाण्यात झाली. 

याबाबत पोलिसांनी दिलेली माहिती, अभिजित कुलकर्णी यांचा ताराबाई पार्कात बंगला आहे. ते कामानिमित्त 2 डिसेंबरला बाहेरगावी गेले होते. दरम्यान चोरट्याने त्यांच्या बंद बंगल्याच्या दरवाज्याचे कुलुप तोडून आत प्रवेश केला. त्यानंतर बेडरूमधील लाकडी कपाट फोडून त्यातील दीड तोळ्याचे सोन्याचे मंगळसूत्र, सहा कर्णफुले, दोन नाणी असे एक तोळ्याचे दागिने, दोन ग्रॅम वजनाचा धातूचा हार, कर्णफुले, चांदीची समई, दोन ग्लास, वाट्या, मूर्ती, निरांजन, चांदीचे भांडे अशा एक किलो वजनाच्या चांदीच्या वस्तू आणि 20 हजारांची रोकड असा एकूण सव्वा दोन लाखांचा ऐवज लंपास केला. हा प्रकार कुलकर्णी यांना गुरूवारी (ता.24) लक्षात आला. त्यांनी याची माहिती शाहूपुरी पोलिसांना दिली. त्यानंतर याबाबतची फिर्याद दिली. पोलिसांनी चोरट्याचा शोध सुरू केला. 

हेही वाचा - महाराष्ट्रातील आणखी एका मोठ्या बँकेचा आरबीआयकडून परवाना रद्द, ठेवीदारांमध्ये अस्वस्थता -

संपादन - स्नेहल कदम