कोल्हापूर : दिवाळी म्हटले की रांगोळ्या आणि लख्ख पणत्यांनी अंगण सजते. याच पार्श्‍वभूमीवर परंपरा आणि आधुनिकतेचा संगम साधत कलात्मक छोटे आकाशकंदील आणि लाकडातील पणत्यांची निमिर्ती तिघी मैत्रिणींनी केली आहे. अनू दीक्षित, गौरी ठाकूर, मीनल आगळगावकर अशा या तिघी मैत्रिणी.
दरम्यान, तिघीही कोरोना लॉकडाउनच्या काळात घरी होत्या. याच काळात त्यांनी विविध संकल्पना पुढे आणल्या आणि त्यातून शॅडो लॅंप, पॉट हॅंगिंग स्टॅंड, डायमंड दिवे, स्क्‍वेअर दिवे अशा विविध कलाकृती साकारल्या.
या कलाकृती आता अनेकांचा दिवाळीचा आनंद व्दिगुणित करणार आहेत. सर्वसामान्यांना परवडतील याचा विचार करून छोटे आकाशकंदील आणि कलात्मक पणत्या त्यांनी तयार केल्या. त्यात बाजारात मिळणारे सोनेरी-चंदेरी अशा पद्धतीच्या काही दिवाळीच्या गोष्टी असतात. त्या घरात आणि ऑफिसमध्ये वापरता येत नाहीत. याचा विचार करून लाकूड, मातीपासून निसर्गाचे आणि अतूट नाते यातून जपण्याचा प्रयत्न केला आहे. निसर्गाला हानी पोहचणार नाही, याची काळजी घेऊनच या कलाकृती साकारल्या. सव्वा महिन्यात बनविलेले तीन हजार छोटे आकाशकंदील व पणत्या या टिकाऊ असल्याने त्याला चांगला
प्रतिसाद आहे.
‘अगौमी’ संस्थेची स्थापना
अनू दीक्षित या एम. कॉम, गौरी ठाकूर बीएस.सी; तर मीनल आगळगावकर या बी. कॉम. एल. एल. बीपर्यंत शिक्षण घेतलेल्या मैत्रिणी आहेत. लॉकडाउनच्या काळात घर सांभाळत या तिघींनी वेगळा विचार करत स्वतःची ‘अगौमी’ संस्था स्थापन करत आहेत.
आमचे ध्येय होते की वस्तू केवळ चकचकीत नव्हे तर कलात्मक, नैसर्गिकता असावी ऑफिस किंवा घर याचा विचार करत आणि सर्वसामान्यांना आवडता व पटकन खरेदी करता यावी यासाठीच आम्ही तिघींनी ही निर्मिती केली आहे.
- मीनल आगळगावकर
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.