घोडावत स्कूलच्या विद्यार्थ्यांची परदेशातील प्रोजेक्टसाठी निवड

01162
----
घोडावत स्कूलच्या विद्यार्थ्यांची निवड
रूकडी, ता. ७ : अतिग्रे (ता. हातकणंगले) संजय घोडावत इंटरनॅशनल स्कूलमध्ये शिकत असलेल्या राजदीप कुलकर्णी (दहावी), विश्वजित चव्हाण (नववी) व मनस्वी पाटील (बारावी) या विद्यार्थ्यांची अनुक्रमे जपान, इंग्लंड, बेल्जियम व ब्राझिलमध्ये ए एफ एस उपक्रमाच्या प्रोजेक्टसाठी निवड झाली आहे.
राजदीप याची आशिया, काकेहसी, जपान येथे एक वर्षासाठी निवड झाली आहे. राजदीपला जपानमधील या एक वर्षाच्या शिक्षणासाठी पूर्ण शिष्यवृत्ती प्राप्त झाली आहे. ग्लोबल स्टेम उपक्रमांतर्गत विश्वजित चव्हाण याची निवड बेल्जियम व इंग्लंड या दोन देशांसाठी झाली आहे. मनस्वी पाटील या विद्यार्थिनीची निवड ब्राझिलमध्ये झाली आहे. विश्वजित व मनस्वी यांना शाश्वत विकास प्रोजेक्टमध्ये तीन महिन्यांच्या परदेशातील शिक्षणासाठी पूर्ण शिष्यवृत्ती प्राप्त झाली आहे. तीन महिने ते दोघे परदेशात राहून शाश्वत विकास प्रोजेक्टवर काम करणार आहेत. विद्यार्थ्यांना संचालिका प्राचार्य सस्मिता मोहंती यांची प्रेरणा मिळाली. ए एफ एस समन्वयक इंद्रजीत थोरात यांचे व इतर शिक्षकांचे मार्गदर्शन लाभले. संस्थेचे अध्यक्ष संजय घोडावत व विश्वस्त विनायक भोसले यांनी विद्यार्थ्यांचे अभिनंदन केले.