गडहिंग्लजला सोमवारी नंजुंडेश्वर यात्रा

गडहिंग्लजला सोमवारी नंजुडेश्वर यात्रा
गडहिंग्लज, ता. २१ : येथील नदीवेस परिसरातील श्री नंजुडेश्वर देवाची यात्रा सोमवारी (ता.२५) होणार आहे. यानिमित्ताने पालखी मिरवणूक, सबिना व महाप्रसादाचे आयोजन केले आहे. रविवारी (ता. २४) सायंकाळी पाचला नंजुडेश्‍वर मठापासून पालखी मिरवणूक सुरू होईल. शहरातून ही मिरवणूक काढण्यात येणार आहे. सोमवारी यात्रेचा मुख्य दिवस असून नंजुडेश्वर मंदिरात सकाळी अभिषेक व पूजा होईल. त्यानंतर सकाळी अकराला सबिना फिरणार आहे. शहर व परिसरातील भाविकांनी दर्शन आणि महाप्रसादाचा लाभ घ्यावा, असे आवाहन करण्यात आले आहे. दरम्यान, नंजुडेश्वर देवाची नवीन पालखी तयार करण्याचा संकल्प करण्यात आला आहे. त्यासाठी गिजवणे येथील पालखी बनवणारे कारागीर श्री. सुतार यांना काम सोपविण्यात आले. या वेळी पाटील समाजाचे अध्यक्ष बी. बी. पाटील, सचिन पाटील, विनायक पाटील, सुरेश पाटील, रमेश रिंगणे, विठ्ठल भमानगोळ, आप्पासाहेब बस्ताडे, बसवराज पोटे उपस्थित होते.