हातकणंगलेत बिरदेव यात्रा उत्साहात

03215
हातकणंगले ः श्री. बिरदेव हिवरखान यात्रेदरम्यान मंदिरांत परडी पूजन केले.
----------
हातकणंगलेत बिरदेव यात्रा उत्साहात
हातकणंगले, ता. १४ ः येथील आराध्य दैवत बिरदेव हिवरखान देवाची जळ- परडी यात्रा नागरिक व समस्त धनगर समाजातर्फे ११ ते १३ मेअखेर उत्साहात झाली. यानिमित्त विविध धार्मिक कार्यक्रम झाले.
११ तारखेला सायंकाळी वालूग गोळा होणे, परडी पूजन, श्रींची मिरवणूक आदी कार्यक्रम झाले. १२ तारखेला पहाटे श्रींच्या मूर्तीस अभिषेक केला. भर यात्रा व गाव नैवैद्य तसेच सकाळी महाप्रसादाचे आयोजन केले होते. माजी खासदार राजू शेट्टी, आमदार महादेव जानकर, आमदार राजू आवळे, माजी आमदार डॉ. सुजित मिणचेकर, नगराध्यक्ष अरूणकुमार जानवेकर, हिंगणगावचे सरपंच दिपक पाटील आदिंच्याहस्ते प्रसादाचे वाटप केले. शिबीरांत ४५ जणांनी रक्तदान केले. रात्री धनगरी ओव्यांचा कार्यक्रम झाला. १३ तारखेला सकाळी श्रींची मिरवणूक काढली. त्यामध्ये स्त्री, पुरुष व कार्यकर्ते मोठ्या संख्येने सहभागी झाले होते. यावेळी हेडमाळसिद्ध गजनृत्य अब्दूललाट यांचा धनगरी गजनृत्याचा अविष्कार सादर करण्यात आला.