घोडावत फौंडेशनकडून ऐश्वर्या जाधव स्पॉन्सरशिप

घोडावत फौंडेशनकडून ऐश्वर्या जाधव स्पॉन्सरशिप

घोडावत फौंडेशनकडून ऐश्वर्या जाधव स्पॉन्सरशिप
जयसिंगपूर, ता. ५ : विम्बल्डन खेळाडू, कोल्हापूरची कन्या ऐश्वर्या जाधव १९ ते २४ जून व २६ जून ते १ जुलै दरम्यान थायलंड येथे होणाऱ्या ‘ज्युनिअर टेनिस जे ६०’ या स्पर्धेसाठी जाणार आहे. यासाठी अध्यक्ष संजय घोडावत यांनी घोडावत फौंडेशनच्या माध्यमातून ७५ हजार रुपयांची तिला स्पॉन्सरशिप दिली.
ऐश्वर्या ही संजय घोडावत इंटरनॅशनल स्कूलमध्ये दहावीत शिकत आहे. टेनिस खेळामध्ये तिने जागतिक स्तरावर यश संपादन केले आहे. सध्या तिचा टेनिस खेळात जागतिक क्रमवारीत ८३७ वा क्रमांक आहे. श्री. घोडावत म्हणाले, ऐश्वर्यासारखे अनेक खेळाडू जागतिक स्तरावर देशाचे नाव उज्ज्वल करत आहेत. कोल्हापूरच्या खेळाडूंनी ऑलिंपिक खेळामध्ये पदके प्राप्त करावीत हे माझे स्वप्न आहे. त्यामुळे ऐश्वर्या असेल किंवा तिच्यासारख्या इतर अनेक खेळाडूंना जागतिक स्पर्धेसाठी घोडावत फाउंडेशन नेहमीच मदत करेल.’
ऐश्वर्याच्या शालेय शिक्षणाचा सर्व खर्च घोडावत फौंडेशनच्या माध्यमातून होतो. तिच्या खेळासाठी उपयुक्त अशा सर्व सुविधाही संजय घोडावत इंटरनॅशनल स्कूलमध्ये उपलब्ध करून दिल्या आहेत. स्पर्धेसाठी ऐश्वर्याला मिळालेल्या स्पॉन्सरशिपबद्दल तिचे वडील दयानंद जाधव यांनी संजय घोडावत यांचे आभार मानले. विश्वस्त विनायक भोसले व संचालिका-प्राचार्या सस्मिता मोहंती उपस्थित होत्या.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com