बांधावरून पडून गव्याचा मृत्यू : भुदरगड तालुक्यातील हेदवडेपैकी डोंगळेवाडी येथील घटना.

डोंगळेवाडी येथे बांधावरून पडून गव्याचा मृत्यू

कोनवडे : हेदवडेपैकी डोंगळेवाडी (ता. भुदरगड) येथे चारा व पाण्याच्या शोधात मध्यरात्री भटकत आलेल्या कळपातील चार ते पाच वर्षांच्या एका मादी गव्याचा बांधावरून पडून मृत्यू झाला. घटनास्थळावरून मिळालेली माहिती अशी की, शनिवारी सकाळी ८ च्या सुमारास हेदवडेचे सरपंच राजाभाऊ देसाई यांना ग्रामस्थांनी डोंगळेवाडी गावाशेजारी बारदेस्कर यांच्या शेतात गवा मृत झाल्याचे सांगितले. मध्यरात्री अन्न-पाण्याच्या शोधात भटकत असताना बांधावरून पडून पोटाला गंभीर इजा झाल्यामुळे गव्याचा मृत्यू झाल्याचे ग्रामस्थांनी सांगितले. पशुवैद्यकिय अधिकारी डॉ. एम. डी. मेटांगळे यांनी शवविच्छेदन केले. गव्याचे दहन करण्यात आले.