१०२ पूल
00283
पुलाच्या कामाला मुहूर्त कधी?
नंदगाव-दिंडनेर्ली डावा कालवा; तटबंदीअभावी वाहनधारकांना धोका
सचिन चौगले : सकाळ वृत्तसेवा
नंदगाव, ता. १० : नंदगाव-दिंडनेर्ली (ता. करवीर) येथून जाणाऱ्या डाव्या कालव्यावरील पुलाचे काम सुरू कधी होणार याची प्रतीक्षा आहे. मुख्य रस्त्याचे खोदकाम करून त्याला पर्यायी रस्ता वाहतुकीस तयार केला आहे; परंतु या पर्यायी रस्त्याची चाळण झाली आहे. कालवा व रस्ता यामध्ये भराव टाकून तटबंदी केलेली नाही. त्यामुळे हा रस्ता दुर्घटनाग्रस्त बनला आहे.
नंदगावच्या कालव्यावरील रस्ता हा कोल्हापूर व गोकुळ शिरगाव औद्योगिक वसाहतीला जोडल्याने या रस्त्यावरून वाहतूक मोठ्या प्रमाणात होते. गोकुळ शिरगाव औद्योगिक वसाहतीकडून रात्रपाळी करून येणाऱ्या कामगारांची संख्याही मोठी आहे. खराब रस्ता व रस्त्याच्या व कालव्यामध्ये तटबंदी नसल्यामुळे एखादी मोठी दुर्घटना होण्याची शक्यता आहे. दिंडनेर्ली नंदगावच्या कालव्यालगतच्या रस्त्याची अवस्थाही काही वेगळी नाही. या दोन्ही ठिकाणी खराब रस्ता व तटबंदी नसल्यामुळे संबंधित विभागाने यावर लवकरात लवकर उपाययोजना कराव्यात, अशी मागणी होत आहे.
कोट
कालव्यावरील पर्यायी रस्त्याची अतिशय वाईट दुरवस्था झाली आहे. कालव्याला तटबंदी नसल्यामुळे व खराब रस्त्यामुळे
संबंधित विभागाने याबाबत लवकर उपाययोजना कराव्यात.
- सुभाष कुंभार, नागरिक, नंदगाव.
कोट
येत्या आठवड्यात दोन्ही पुलांचे काम सुरू होईल व तोपर्यंत पर्यायी रस्ता चांगला करून कालव्याच्या कडेला तटबंदी उभारू. त्यावर अंधारात दिसेल असा रिफ्लेक्टरचा सूचना फलकही लावला जाईल.
- प्रशांत कांबळे, उपअभियंता, पाटबंधारे विभाग- कोल्हापूर.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.