शिवाजी तरुण मंडळातफे कपडे वाटप

42316 (फोटो ओव्हरसेट)

मंडळांनी विधायक कार्यात
पुढाकार घ्यावाः धनंजय महाडिक

कोल्हापूर, ता. ३ : ‘‘विधायक कार्यात मंडळांनी पुढाकार घ्यावा, असे आवाहन खासदार धनंजय महाडिक यांनी केले.
छत्रपती शिवाजी चौक मंडळातर्फे बालसंकुलमधील २२५ मुला-मुलींना दीपावलीनिमित्त नवीन कपडे वाटप कार्यक्रम नंगीवाली चौकातील बालसंकुल येथे झाला.
गौरव कुसाळे, मनोहरशेठ चुघ, हाजी साहिल शेठ बागवान, हाजी जुबेर शेठ बागवान, पियुष पटेल, शिवाजीराव मोटे, नीलेश पटेल, मौतीक पाटील, रहिम शेठ, बागवान, रामचंद्र खोत, ॲड. सागर चव्हाण यांच्या हस्ते नवीन कपडे वाटप झाले.
बालसंकुल संस्थेस मदत करण्याचे आश्‍वासन उद्योगपतींतर्फे सत्यजित कदम यांनी दिले. कार्यवाह पद्मजा तिवले यांनी मंडळाच्या या विधायक कार्यास सातत्य ठेवल्याबद्दल संस्थेतर्फे मंडळाचे कौतुक केले. बालसंकुलमधील मुले-मुली, कर्मचाऱ्यांचे स्वागत २१ फुटी महागणपतीचे ट्रस्टचे सचिव गणेश वळंजू यांनी केले. कमिटीचे अध्यक्ष दत्तात्रय लाड यांनी स्वागत केले. प्रसाद वळंजू यांनी प्रास्ताविक केले. नितीन पाटील यांनी सूत्रसंचालन केले. मंडळाचे उपाध्यक्ष सुहास भेंडे यांनी आभार मानले. कपडे वाटप कमिटीचे उपाध्यक्ष प्रफुल्ल भेंडे, सचिव संदीप सिन्नूर, दिलीप खोत, रघुनाथ जगताप, सोहल बागवान, संतोष सिन्नूर आदींनी परिश्रम घेतले.