पाऊस ५ जून २०२५

८८२२३
मॉन्सूनपूर्व पावसाच्या
जिल्ह्यात सरीवर सरी

कोल्हापूर, ता. ५ : जिल्ह्यात मॉन्सूनपूर्व पावसाने आज चांगली हजेरी लावली. शहरासह परिसरातही काही ठिकाणी जोरदार, तर काही ठिकाणी तुरळक पाऊस पडला.
जिल्ह्यात दिवसभर ढगाळ वातावरण आणि दुपारनंतर काही ठिकाणी जोरदार पाऊस पडला. शहरात दुपारी चारनंतर काळे ढग जमू लागले. शिये, कसबा बावडा, गांधीनगर, फुलेवाडी परिसरात पावसाने जोरदार सुरुवात केली. पावसामुळे वाहतूकदारांची तारांबळ उडाली. कसबा बावडा परिसरात पंधरा ते वीस मिनिटे पाऊस झाला. शहरातही सीपीआर रुग्णालय, ताराबाई पार्क, नागाळा पार्क परिसरात चांगला पाऊस झाला. त्याने हवेत गारवा आला आणि उकाड्यापासून दिलासा मिळाला. फुलेवाडी येथे चौथ्या बसस्टॉपपर्यंत जोरदार पाऊस झाला; मात्र तेथून पुढे पाऊस नव्हता. महाराणी ताराराणी पुतळ्यापासून गांधीनगरपर्यंत चांगला पाऊस झाला. दरम्यान, रस्त्यावर माती पसरल्याचा अंदाज न आल्याने अनेक वाहने घसरून पडली.