कोवाड - जवानाचा मृत्यू

KOW24B02342
जवान नाना पाटील यांच्यावर अंत्यसंस्कार
कोवाड, ता. २४ ः मलतवाडी (ता. चंदगड) येथील सैन्यदलातील हवालदार नाना वाकोजी पाटील (वय ४३) यांचा बेळगांव येथील हॉस्पिटलमध्ये अल्पशा आजाराने मृत्यू झाला.  मृत्यूची बातमी समजताच मलतवाडी गावावर शोककळा पसरली. रविवारी दुपारी दोन वाजता मराठा लाईट इन्फन्ट्रीच्या खास वाहनातून तिरंग्यात लपेटलेले नानाचे पार्थिव गावात आणले. दरम्यान गावागावातून नागरिकानी नानाला मानवंदना दिली. पार्थिवाचे दर्शन झाल्यानंतर ग्रामस्थानी सजविलेल्या ट्रॅक्टरमध्ये पार्थिव ठेवून अंत्ययात्रेला सुरवात झाली. मुलगा रुद्र याने पार्थिवाला भडाग्नी दिली. सिग्नल रेजिमेंटलमध्ये तो हवालदार पदावर होते. २२ वर्षाची सेवा झाल्याने येत्या फेब्रुवारी महिन्यात ते सेवानिवृत्त होणार होते. त्यांच्या मागे पत्नी, दोन बहिनी, मुलगी, मुलगा असा परिवार आहे.