‘सर्वो हाइपरस्पोर्ट एफ ५’ इंजिन ऑइल बाजारात दाखल

47613
नवी दिल्ली ः ‘सर्वो हाइपरस्पोर्ट एफ ५’ या सिंथेटिक फोर टी इंजिन ऑईलच्या लाँचिंगप्रसंगी अभिनेता जॉन अब्राहम व कंपनीचे अध्यक्ष एस. एम. वैद्य.

‘सर्वो हाइपरस्पोर्ट एफ ५’
इंजिन ऑईल बाजारात दाखल

पुणे, ता. ६ ः इंडियन ऑईलच्या ‘सर्वो’चे ब्रॅंड ॲम्बेसीडर अभिनेता जॉन अब्राहमने मोटारसायकलींसाठी ‘सर्वो हाइपरस्पोर्ट एफ ५’ हे सिंथेटिक फोर टी इंजिन ऑईल नुकतेच लाँच केले. याबरोबर सर्वो ग्रीस मिरॅकल ग्रीसही लाँच केले.

नवी दिल्लीत झालेल्या कार्यक्रमास इंडियन ऑईलचे अध्यक्ष एस. एम. वैद्य, संचालक मंडळातील सदस्य, ग्राहक, व्यवसाय भागीदार आणि कंपनीच्या वरिष्ठ अधिकाऱ्यांच्या उपस्थितीत नव्या उत्पादनांचे लॉँचिंग झाले. यावेळी जॉन अब्राहम म्हणाला, ‘एक मोटारसायकलपटू म्हणून इंजिन ऑईलच्या लॉँचिंगप्रसंगी मला सहभागी व्हायला मिळाले, हा माझ्यासाठी सुखद क्षण आहे.’’

वैद्य म्हणाले, ‘ब्रॅंड ॲम्बेसीडर जॉन अब्राहमप्रमाणेच ‘सर्वो’ने ग्राहकांची पसंती मिळविली आहे. ग्राहकांना दर्जेदार उत्पादने देण्यास कटिबद्ध आहोत. त्याचाच एक भाग म्हणून सर्वो हाइपरस्पोर्ट एफ ५ हे पूर्णपणे सिंथेटिक फोर टी इंजिन ऑईल मोटारसायकलींचे आयुष्य वाढविण्यासाठी उपयुक्त आहे. औद्योगिक वापरासाठी मिरॅकल ग्रीस आहे. या उत्पादनांतून ग्राहकांना समाधान मिळेल.’’

कंपनीचे संचालक (वितरण) व्ही. सतीशकुमार म्हणाले, ‘इंडियन ऑईलने सिद्ध केले आहे की, सर्वो हा ब्रॅंड सर्वोत्कृष्ट आहे. निरंतर संशोधनामुळे हा ब्रॅंड गेल्या २० वर्षांपासून लोकप्रिय ठरला आहे. तसेच कंपनीच्या उत्पादनांची २०३० पर्यंत विक्री तिप्पट करण्याचा मानस आहे.’