अतिक्रमण काढण्याचा पोर्ले तर्फ ठाणेत निर्णय

अतिक्रमण काढण्याचा
पोर्ले तर्फ ठाणेत निर्णय
ग्रामसभेत विविध विषयांवर चर्चा
पोर्ले तर्फ ठाणे, ता. २९ : ग्रामदैवत श्री मसाई मंदिराकडे जाणाऱ्या रस्त्याचे अतिक्रमण काढणे, थकबाकी वसुली जोमाने करणे, स्वच्छता अभियान राबवणे यांसह विविध ठराव पोर्ले तर्फ ठाणे ग्रामसभेत करण्यात आले. अध्यक्षस्थानी सरपंच अनुराधा शहाजी पाटील होत्या.
ग्रामविकास अधिकारी शिवाजीराव पाटील यांनी अहवाल वाचन केले. सर्व विषय मंजूर करण्यात आले. चर्चेत तानाजी खुडे, सागर साळोखे, केशव घाटगे, अंगद चौगुले, हिंदूराव चेचर, हिंदूराव काशीद आदींनी सहभाग घेतला. या वेळी ग्रामपंचायत दुकानगाळ्यांचे भाडे वाढवणे, पाणीपट्टी वेळेवर न भरणाऱ्यांची नळ जोडणी कट करणे, वेळेत घरफाळा भरणाऱ्यांसाठी विविध बक्षिसांची योजना राबविण्यात आली आहे. त्याचा लकी ड्रॉ ९ जूनला फोडणे आदी ठराव झाले. कृषी पर्यवेक्षक अश्‍विनी नाईक यांनी शासनाच्या विविध योजनांची माहिती दिली.
या वेळी उपसरपंच सागर चेचर, सदस्य शहाजी खुडे, अरुण पाटील, संभाजी जमदाडे, महादेव पाटील, अरुण बा. पाटील, जीवन खवरे, सचिन चोपडे, वनिता भोपळे, गीता चौगुले, रजनी गुरव, नाम्रता घाटगे, अश्‍विनी संकपाळ, अश्‍विनी काशीद, संगीता बुचडे, तलाठी गगन देशमुख, तानाजी भोपळे, विकास घाटगे, शहाजी पाटील, नंदकुमार गुरव, युवराज कांबळे, तंटामुक्त अध्यक्ष अंगद शेवाळे, पोलिसपाटील बाजीराव इंगळे, कर्मचारी, ग्रामस्थ उपस्थित होते. रामराव चेचर यांनी आभार मानले.