Recovered telecom batteries and accused in custody after police crackdown on serial thefts.Sakal
कोल्हापूर
Kolhapur Crime:'दूरसंचार कार्यालयातील बॅटऱ्या चोरणाऱ्या दोघांना अटक'; सात गुन्हे उघडकीस
Telecom Battery Thieves Nabbed: चोरीच्या बॅटरी विकण्यासाठी एक संशयित कसबा बावडा ते शिये रस्त्यावर येणार असल्याची माहिती पोलिस निरीक्षक रवींद्र कळमकर यांना मिळाली होती. त्यांनी पथकाला पाठवून सापळा रचला. संशयास्पद मोटार कसबा बावड्यातून शाहूपुरीपर्यंत आल्याचे दिसून आले.
कोल्हापूर : दूरसंचार विभागाच्या कार्यालयांना लक्ष्य करून बॅटऱ्या चोरणाऱ्या दोघांसह खरेदीदाराला स्थानिक गुन्हे शाखेने अटक केली. दत्ता बाळू गावडे (वय ३२, रा. गोंदिरा, आटपाडी, जि. सांगली), प्रीतेश गिरीश पुजारी (३५, गुजरवाडी, कात्रज, पुणे) व साकीब साबीर मलीक (रा. शाहूपुरी, कोल्हापूर) अशी त्यांची नावे आहेत. तिघांकडून चोरीचे सात गुन्हे उघडकीस आणण्यात यश आले असून, एक लाख ८३ हजार रुपयांचा मुद्देमाल जप्त करण्यात आला.