Maharashtra Weather : ‘शक्ती’ चक्रीवादळाचा धोका, यंत्रणा अलर्ट; पाऊस वाढणार, समुद्रात वेगवान वारे

Alert For Cyclone Shakti : अरबी समुद्रात घोंघावणाऱ्या ‘शक्ती’ चक्रीवादळाच्या अनुषंगाने सिंधुदुर्ग प्रशासन सतर्क झाले आहे. समुद्रात ताशी ४५ ते ६५ किलोमीटर वेगाने वारे वाहणार असल्याने मच्छीमारांना समुद्रात न जाण्याचा सल्ला देण्यात आला आहे. जिल्ह्याच्या अनेक भागात शनिवारी विजांच्या गडगडाटासह पाऊस झाला. पुढील तीन-चार दिवस पावसाचा अंदाज असल्याने जिल्ह्यातील दहा हजार हेक्टरवरील भात पिकासमोर संकट उभे राहिले आहे.