चार लाख लोकसंख्येच्या इचलकरंजीत महिला स्वच्छतागृहांचा विषय दुर्लक्षित का? | Sakal
sakal

बोलून बातमी शोधा

चार लाख लोकसंख्येच्या इचलकरंजीत महिला स्वच्छतागृहांचा विषय दुर्लक्षित का?

चार लाख लोकसंख्येच्या इचलकरंजीत महिला स्वच्छतागृहांचा विषय दुर्लक्षित का?

इचलकरंजी: आज 3 जानेवारी, ज्ञानज्योती सावित्रीबाई फुलेंच्या (Savitribai Phule Jayanti) जन्मदिवसानिमित्त इचलकरंजीमध्ये संविधान परिवाराच्या वतीने मा. मुख्याध्याकारी यांच्याकडे शहरामध्ये स्त्रियांसाठी वेगवेगळ्या ठिकाणी स्वच्छतागृहांची उभारणी करण्यात यावे, अशी मागणी करणारे निवेदन देण्यात आले. (women toilets in Ichalkaranji)

हेही वाचा: गोव्यातही होणार महाविकास आघाडीचा प्रयोग; संजय राऊतांनीच स्पष्ट सांगितलं

आज इचलकरंजी नगरपरिषद, इचलकरंजी येथे संविधान परिवार वतीने कार्यकर्त्यांनी स्त्रियांच्या स्वच्छतागृह उभारणी संदर्भात मागणी करणारे निवेदन मा. मुख्याध्याकारी यांच्याकडे देण्यात आले. आज इचलकरंजी शहराची लोकसंख्या साधारणपणे चार लाख इतकी आहे. आपल्या शहरात प्रामुख्याने व्यापारी वर्ग व वस्त्रोद्योग क्षेत्रांतील कामगार वर्ग व त्यांचे कुटुंबीय यांची लोकसंख्या अधिक आहे. शिवाय शहराच्या आसपासच्या तारदाळ, खोतवाडी, रुई, चंदूर कबनुर, कोरोची व इतर छोट्या गावातून महिला व मुली शिक्षण व कामासाठी रोजच शहरामध्ये येत असतात.

हेही वाचा: म्हाडाची परीक्षा ढकलली पुढे; MPSCची ढकललेली परीक्षा होती त्याच दिवशी

हे सारे लक्षात घेता, शहरामध्ये विविध भागात, प्रामुख्याने गर्दीच्या, वरदळीच्या ठिकाणी स्त्रियांसाठी सुसज्ज अवस्थेतील स्वच्छतागृह असण्याची प्रचंड गरज आहे. परंतु स्त्रियांच्या आरोग्याच्या दृष्टीने आत्यंतिक गरजेचा आणि महत्वाचा हा विषय कायमच दुर्लक्षित राहिलेला आहे. तरी आजच्या सावित्रीबाईंच्या जन्मदिनानिमित्त प्रशासनाकडे याबाबत निवेदन देऊन आता युद्ध पातळीवर याबद्दल सकारात्मक निर्णय घेऊन शहरामध्ये विविध ठिकाणी लवकरात लवकर स्त्रियांसाठी सर्व सोयींयुक्त, सुसज्ज अशी स्वच्छतागृहांची उभारणी करण्यात यावी अशी मागणी करण्यात आली. यावेळी विभावरी नकाते, स्नेहल माळी, रुचिता पाटील, शिवानी नागराळे, उषा कोष्टी, रिनिशा पाटील, राधिका शर्मा, सुभाग्या कोटगी, वैभवी आढाव, सनोफर नायकवडी तसेच महाराष्ट्र अंधश्रद्धा निर्मूलन समितीचे विनायक चव्हाण, राष्ट्र सेवा दलाचे शरद वास्कर, विवेकवाहिनीचे पवन होदलूर, छात्रभारतीचे रोहित दळवी आदि पदाधिकारी व कार्यकर्ते उपस्थित होते.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top