गेल्या आठवड्याभरात धरण पाणी पातळीत जवळपास अर्धा मीटरहून अधिक कमी झाली. त्यामुळे मुख्य भिंतीत बारा मीटर खोलीपर्यंत विंधन विवरे घेण्याचे काम सुरू झाले आहे.
राधानगरी : बहुचर्चित आणि बहुप्रतिक्षित काळम्मावाडी धरण गळती (Kalammawadi Dam Leak) प्रतिबंधक उपाययोजना कामाला अखेर आजपासून प्रत्यक्ष सुरुवात झाली आहे. ग्राउंटिंगसाठी धरणाच्या मुख्य भिंतीत विंधन विवरे (ड्रिलिंग) घेण्याचे प्राथमिक टप्प्यातील काम हाती घेण्यात आले आहे. अद्यापही धरण पाणीपातळी आणि पाणीसाठा अधिक असल्याने, मुख्य भिंतीत बारा मीटर खोलीपर्यंत विवरे घेणेच शक्य होणार आहे.