Kolhapur Inspirational Success Story: यळगुडच्या सरिताची राज्यात झेप! आयुष भरतीत महिला प्रवर्गात चौथा क्रमांक; राजपत्रित अधिकारीपदी निवड

Gazetted Officer Selection : (बाळासाहेब कांबळे) : जिद्द, मेहनत आणि आत्मविश्वासाच्या बळावर यश मिळवता येते, हे यळगुड (ता. हातकणंगले) येथील सरीता बाबू चिपरे हिने सिद्ध करून दाखवले आहे. राज्य वैद्यकीय शिक्षण व संशोधन संचालनालय (आयुष) यांच्या मार्फत घेण्यात आलेल्या सरळ सेवा भरती २०२५ मध्ये तिने महिला प्रवर्गातून राज्यात चौथा क्रमांक मिळवत समाजसेवा अधीक्षक (राजपत्रित अधिकारी) पदावर निवड मिळवली आहे.