नेर्ले : गणेशोत्सव निमित्ताने नेर्लेतील गृहिणी कांचन संदेश पाटील यांनी कोरोनाच्या पार्श्वभूमीवर प्रबोधनात्मक गौरी गणपती सजावटीच्या माध्यमातून कोरोनाचे रुग्णालयच उभे केले आहे. १२० वर्षापूर्वीच्या झोपडीतल्या पाळण्यात बालगणेशाची प्रतिष्ठापणा केली आहे. बालगणेश आणि त्याची आजी यांचा कोरोनाच्या पार्श्वभूमीवरचा संवाद साधताना दिसतो आहे. यामध्ये बालगणेशाने बाहेर जाऊ का? असे विचारल्यावर बाहेर फिरू नको कोरोना आहे असे आजीने सुनावले आहे.
मग मावशी आणि काकी कशा बाहेर जातात? या बालगणेशाच्या प्रश्नावर, 'अरे मावशी पोलीस आहे तर काकी डॉक्टर आहे' त्यामुळे त्यांना लोकांची काळजी घ्यावी लागते.अशा संवादातून कांचन पाटील यांनी हा प्रबोधनाचा उपक्रम राबवला आहे. त्यांनी देखाव्यात झऱ्याचे पाणी, बालगणेशाला पाळण्यात बसवून पाळणा हलवणारी आजी, रस्ता दाखवून त्यावर वाहने अडवुन कोरोना संदर्भात माहिती देणीरे महिला पोलीस कर्मचारी, तर शेतात राबणाऱ्या बैलजोडी बरोबरच तंत्रज्ञानाचा वापर करीत शेती करणारे ट्रॅक्टर दाखवले आहे. कोरोनाच्या प्रबोधनासाठी त्यांनी कंपाउंडर, डॉक्टर पेशातील गौरी, कोरोना विषयी माहिती विचारणारी महिला असा देखावा उभारला आहे.
कांचन यांना या देखाव्या पती संदेश पाटील, सासू मीनाक्षी आणि सासरे शंकर दत्तू पाटील यांचे सहकार्य लाभले आहे. आई वैशाली व वडील भूपाल महादेव कणसे यांनी प्रेरणा दिली असल्याचे त्यांनी सांगितले. वाळवा पंचायत समितीचे सभापती सचिन हुलवान, ग्रामविकास अधिकारी एम. डी. चव्हाण, शुभम पाटील, डॉ. सागर शिंदे, प्रताप पाटील यांनी हा देखाना पाहण्यासाठी भेट दिली. कांचन पाटील या मुळच्या किल्ले मछिंद्रगडच्या रहिवासी आहेत. त्यांनी शेती करण्याची आवड आहे. त्या ट्रॅक्टरही चालवितात. साप पकडणे, बुलेट गाडी चालवणे हे त्यांचे छंद आहेत.
संपादन - स्नेहल कदम
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.