नगर ः आज निकाल लागेल, उद्या लागेल, असे म्हणत ज्याची प्रतीक्षा शिक्षकांकडून सुरू होती, ती आता संपली आहे. बदलीसंदर्भात दाखल केलेल्या 183 शिक्षकांच्या हरकतींवर जिल्हा परिषद प्रशासनाकडून निकाल देण्यात आला आहे. त्यामुळे आता शिक्षकांना पुढील वाटचाल करण्याचा मार्ग मोकळा झाला आहे.
जून महिन्यात झालेल्या शिक्षकांच्या बदलीप्रक्रियेमध्ये त्रुटी आहेत. काहींना ऑनलाइनवर भरलेल्या शाळांपैकी एकही शाळा मिळाली नाही. दुसरीकडे एका शाळेवर दोघांच्या बदल्या झाल्या. या बदलीप्रक्रियेवर अनेकांनी हरकती नोंदविल्या.
हेही वाचा ः"हा' अभिनेता सांगणार कर्जत-जामखेडची महती
उशिराने सुनावणी
बदलीनंतर सात दिवसांत हरकती घेऊन त्यावर एका महिन्यात सुनावणी घ्यावी, असा आदेश सरकारने बजावला होता. मात्र, तीन महिन्यांनंतर सुनावणी झाली. उशिरा सुनावणी झाल्याने निकाल लवकर जाहीर होईल, अशी अपेक्षा शिक्षकांची होती. मात्र, ती फोल ठरली.
हेही वाचा ः (व्हिडिओ) त्यांच्या कष्टाला पुरस्काराचे फळ
शिक्षकाच्या प्रश्नाला वाचा फोडली
शिक्षकांनी दाखल केलेल्या हरकतींवर सुनावणी होऊनही निकाल लागत नव्हता. शिक्षकांच्या या प्रश्नावर या संदर्भात "सकाळ'ने वारंवार पाठपुरावा केला. या संदर्भात "गुरुजींच्या बदल्यांसंदर्भातील हरकतींवर दोन दिवसांत निकाल', "न्यायासाठी गुरुजींची आयुक्तांकडे धाव', "फाइलचा मुक्काम हलला', "फाइलने गाठला अंतिम टप्पा' या मथळ्यांखाली वृत्त प्रसिद्ध करून प्रशासनाला गतिमान करण्याची भूमिका "सकाळ'ने घेतली होती. पाठपुराव्यामुळे निकाल जाहीर केला आहे. निकाल जाहीर झाल्यामुळे शिक्षकांमधून समाधान व्यक्त केले जात आहे. निकालामुळे पुढील हालचाली सुरू केल्या आहेत.
निकाल पुढीलप्रमाणे ः
एकूण दाखल हरकती ः 183,
शासन निर्णयानुसार समानीकरणांतर्गत निकाली ः 108
एनआय पुण्याकडे सादर ः 24
सुनावणीदरम्यान तक्रार नसल्याबाबत लेखी दिलेले अर्जदार ः 16
सुनावणीस गैरहजर ः 10,
आपसी बदलीबाबत अर्ज ः चार
निर्णयास्तव प्रलंबित ः दोन
गटशिक्षणाधिकाऱ्यांमार्फत अर्ज नसलेले ः दोन
चौकशीबाबत अर्ज ः पाच
निकाली ः दोन
पदोन्नती झालेले ः एक
विभागीय आयुक्तांकडे प्रलंबित असलेले ः दोन
शिक्षक सीईओंना भेटणार
बदली संदर्भात दाखल केलेल्या हरकतींवर सुनावणी घेऊन निकाल द्यायला उशीर करण्यात आला आहे. या संदर्भात शिक्षक मुख्य कार्यकारी अधिकारी शिवदास पाटील यांची भेट घेऊन आपल्या व्यथा मांडणार आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.