आशियायी महामार्गावर बिबट्या ठार | Sakal
sakal

बोलून बातमी शोधा

Leopards killed  Asian highway third incident  Valva

आशियायी महामार्गावर बिबट्या ठार

नेर्ले : येथील आशियाई महामार्गावर रिलायन्स पेट्रोल पंपा जवळ अज्ञात वाहनाच्या धडकेत तीन वर्षे वयाच्या मादी जातीचा बिबट्या ठार झाला. ही घटना रात्री दोनच्या सुमारास घडली. महामार्गावर अपघात होताच महामार्गावर पेट्रोलिंग करणाऱ्या कासेगाव पोलिसांनी व विभागास तात्काळ माहिती दिली यावेळी वन विभागाचे अधिकारी घटनास्थळी दाखल होऊन त्यांनी उत्तरीय तपासणीसाठी बिबट्याचे शव इस्लामपूर येथे न्हेले.वाळवा तालुक्यात आशियाई महामार्गावर अपघातात बिबट्या ठार होण्याची ही तिसरी घटना आहे. बिबट्या साठी महामार्ग मृत्यूचा सापळा बनत असल्याचे चित्र आहे. यामुळे बिबट्याच्या अस्तित्वाचा धोका वाढला आहे.

नेर्ले ता वाळवा येथे महामार्गाच्या आजूबाजूला ऊसशेती मोठ्या प्रमाणामध्ये असल्यामुळे बिबट्यांचा वावर या परिसरात वारंवार होत आहे. बिबट्या महामार्गावरून वारंवार प्रवास करीत असतात.येथील रिलायन्स पेट्रोल पंपा जवळ रात्री दोनच्या सुमारास बिबट्या महामार्ग ओलांडत असताना अज्ञात वाहनाच्या धडकेत ठार झाल्याची घटना घडली.धडकेत गंभीर जखमी झालेल्या बिबट च्या पोटाला,बरकडीला मार लागल्यामुळे त्याचा जागीच मृत्यू झाला.बिबट्याचा मृत्यू झाल्याचे कळताच वन विभागाचे वन अधिकारी घटनास्थळी दाखल झाले. त्यांनी मृत बिबट्याचे शव ताब्यात घेऊन त्याची उत्तरीय तपासणी साठी इस्लामपूर येथे न्हेले.

वाळवा तालुक्यात बिबट्याचा अधिवास धोक्यात आला आहे.बिबट्याचा वाहनांच्या धडकेत अथवा अपघातामध्ये मृत्यू होऊ नये यासाठी वनविभागाकडून उपाय होणे गरजेचे आहे.अथवा महामार्गावर सूचना फलकांची आवश्यकता आहे.यापूर्वी काळमवाडी,इटकरे,व आता नेर्ले येथे बिबट्याचा मृत्यू झाला आहे.वनक्षेत्रपाल सचिन जाधव, वनपाल सुरेश चरापले, वनरक्षक अमोल साठे , वनकर्मचारी बाबासाहेब गायकवाड यांनी घटनास्थळी भेट दिली. इस्लामपूर येथील वनविभागाच्या कार्यालयात सहायक वनसंरक्षक डॉ. अजित साजणे, मानद वन्यजीव रक्षक डॉ. अजितकुमार पाटील ,वनक्षेत्रपाल सचिन जाधव यांच्या उपस्थितीत डॉ. अंबादास माडकर यांनी शवविच्छेदन केले. त्या नंतर बिबट्याचे दहन करण्यात आले.

बेलगाम वाहतूक..धडकी भरवणारी भरधाव वाहने..

आशियाई महामार्गावर बेलगाम वाहतूक सुरू असून मोटर कार चालक भरधाव वेगाने वाहने चालवत असल्याचे चित्र आहे.यावर महामार्ग पोलिसांनी लक्ष दे

Web Title: Leopards Killed Asian Highway Third Incident Valva

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..