मिरज : ST चालकाचा आत्मदहनाचा प्रयत्न | Sakal
sakal

बोलून बातमी शोधा

suside

मिरज : ST चालकाचा आत्मदहनाचा प्रयत्न

मिरज: आगारप्रमुख मर्जीतील कर्मचाऱ्यांना जादा फेऱ्या देऊन आपल्याला ड्यूटी न देता अन्याय करत असल्याचा आरोप करीत मिरजेतील कर्मचाऱ्याने अंगावर डिझेल ओतून पेटवून घेत आत्मदहनाचा प्रयत्न केला. मेहबूब मौला आंबेकरी (रा. मिरज) असे त्या कर्मचाऱ्याचे नाव आहे. यावेळी तेथे उपस्थित अन्य कर्मचाऱ्यांनी आंबेकरी यांच्या दिशेने वेळीच धाव घेऊन रोखल्यामुळे पुढील अनर्थ टळला.

याबाबत अधिक माहिती अशी की, गेली अनेक दिवस आगारप्रमुख हे मर्जीतील कर्मचाऱ्यांना फेऱ्या देत आहेत. मात्र, चालक मेहबूब आंबेकरी यांनी आपल्याला काम मिळत नसल्याचा आरोप करत बस स्थानकावरील कार्यशाळेमध्ये आत्मदहनाचा प्रयत्न केला. त्यामुळे एसटी कर्मचाऱ्यांमध्ये खळबळ उडाली आहे. संप मिटल्यामुळे एसटीची चाके रूळावर येत असताना हा प्रकार घडल्यामुळे कर्मचाऱ्यांच्यात संतापाचे वातावरण आहे. मिरज आगारात मर्जीतील कर्मचाऱ्यांना अधिकारी एसटीच्या जादा फेऱ्या देत आहेत. मात्र, अनेक कर्मचाऱ्यांना दिवसभर बसून काम न मिळता परत जावे लागत आहे. त्यामुळे या कर्मचाऱ्यांना महिन्यांचा पगार कमी पडत असल्याचा आरोप चालक आंबेकरी यांनी केला आहे. याबाबत महात्मा गांधी चौक पोलिसांत मेहबूब आंबेकरी यांच्यावर आत्महत्या करण्याचा प्रयत्न केल्याची तक्रार आगारप्रमुख शिवाजीराव खांडेकर यांनी दिली आहे.

Web Title: Miraj St Driver Attempts Self Immolation

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top