सांगली : ‘भुंकणारे भुंकतच राहतात, आपण आपल्या चालीनं चालायचं असतं,’ असा टोला राष्ट्रवादी काँग्रेस शरदचंद्र पवार पार्टीचे प्रदेशाध्यक्ष जयंत पाटील यांनी आज आमदार गोपीचंद पडळकर यांना लगावला. कालच भाजपचे आमदार गोपीचंद पडळकर यांनी जयंत पाटील नेतृत्व करीत असलेल्या सांगली जिल्हा बँकेत भ्रष्टाचाराचा आरोप केला. तसेच जयंत पाटील यांच्यावर कठोर शब्दांत टीका केली होती. गेले काही दिवस दोघांमध्ये जोरदार टीकायुद्ध सुरू असून त्याचे पडसाद मुंबईत विधिमंडळ अधिवेशनादरम्यानही उमटत आहेत.