कोल्हापूर - खंडित झालेली मुंबई-कोल्हापूर विमानसेवा शनिवारपासून (ता. २८) पुन्हा सुरू होत आहे. ७ डिसेंबरपासून ही विमानसेवा खंडित होती. खंडित असलेली विमानसेवा ‘ट्रुजेट’ विमान कंपनीकडून पुन्हा सुरू केली जाणार आहे. २८ डिसेंबरला दुपारी दीड वाजता मुंबईहून कोल्हापुरात लॅण्डींग होईल, अशी माहिती विमानतळ प्राधिकरणाचे कमलकुमार कटारिया यांनी ‘सकाळ’शी बोलताना दिली.
मुंबई - कोल्हापूर विमान सेवा सुरू होण्यासाठी उच्चस्तरावरून प्रयत्न होत होते. अखेर वर्षा-दोनषर्वाच्या प्रयत्नानंतर ही विमानसेवा सुरू झाली होती. त्याची वेळ सकाळी नऊच्या सुमारास असावी अशी मागणी होती. मात्र तीही पूर्ण झाली नव्हती. अखेर विमानसेवा सुरूळीत सुरू राहिल्यामुळे ग्राहकांनी समाधान व्यक्त केले होते.
हेही वाचा - धक्कादायक ! फायनान्स कंपनीची 11 कोटीची फसवणूक
काही तांत्रिक कारणावरून ट्रुजेट विमान कंपनीनेही सात ते २८ डिसेंबर अखेर ही विमानसेवा खंडीत केली होती. ती पुन्हा आहे त्या वेळेत, आहे त्या दरात सुरू होणार आहे. त्यामुळे बंगळूर, हैदराबाद, तिरुपती अशा वेगवेगळ्या मार्गावरील विमानसेवेबरोबरच आता मुंबई-कोल्हापूर विमानसेवा सुद्धा सुरळीत चालणार आहे.
हेही वाचा - महिलेला केले हातवारे अन्...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.