नाना पाटेकर 'या' कारणासाठी येणार बेळगावात...

बेळगाव - कलामहर्षी के. बी. कुलकर्णी जन्मशताब्दी महोत्सव ४ ते ६ फेब्रुवारीपर्यंत आयोजित करण्यात आला आहे. या कार्यक्रमाचे उद्‌घाटन ज्येष्ठ रंगकर्मी नाना पाटेकर यांच्या हस्ते होणार आहे. या महोत्सवानिमित्त वरेरकर नाट्य संघ व रिझ थिएटरमध्ये कार्यक्रम होणार आहेत.

मंगळवारी (ता. ४) सकाळी ९.३० वाजता वरेरकर नाट्यसंघातील आर्ट गॅलरीतील चित्र प्रदर्शनाचे उद्‌घाटन ज्येष्ठ चित्रकार रवी परांजपे यांच्या हस्ते होईल. रिझ थिएटरमध्ये सकाळी १०.३० वाजता जन्मशताब्दी महोत्सवाचे उद्‌घाटन नाना पाटेकर करतील. स्मृतिग्रंथाचे प्रकाशन नाना पाटेकर, रवी परांजपे व दतात्रय पाडेकर यांच्या हस्ते होईल. पत्रकार किरण ठाकूर अध्यक्षस्थानी असतील. दुसऱ्या सत्रात श्री. परांजपे यांचे लघुपट प्रदर्शन व जीवन गौरव पुरस्कार प्रदान कार्यक्रम होणार आहे. यानंतर विकास पाटणेकर यांना कला गौरव पुरस्कार देण्यात येणार आहे. 

वाचा - देवा... एक तरी नात ठेवायची होती...

बुधवारी (ता. ५) सकाळी १०.३० वाजता ‘चित्र असावे कसे’ या विषयावर गोव्यातील डॉ. गोविंद काळे, कोल्हापूरमधील चंद्रकांत जोशी व पुण्यातील मारुती पाटील यांचा कार्यक्रम होईल. दुपारी ३ वाजता मुंबईतील वासुदेव कामत यांचे प्रात्यक्षिक, सायंकाळी ५ वाजता पारितोषिक वितरण, सायंकाळी ६ वाजता स्लाईड शो दाखविण्यात येणार आहे. गुरुवारी (ता. ६) जैतनमाळमधील संकल्पभूमीत सकाळी ९ ते ४ पर्यंत निमंत्रित चित्रकारांचे प्रात्यक्षिक कार्यक्रमाचे उद्‌घाटन नवी दिल्लीतील ललित कला केंद्राचे अध्यक्ष डॉ. उत्तम पाचर्णे यांच्या हस्ते होईल.