नक्षलवादीविरोधात लढणाऱ्या अधिकाऱ्याच्या कुटुंबीयांवर कोरोनाचा हल्ला; आई-वडिलांसह आजोबांचा मृत्यू | Sakal
sakal

बोलून बातमी शोधा

नक्षलवादीविरोधात लढणाऱ्या अधिकाऱ्याच्या कुटुंबीयांवर कोरोनाचा हल्ला

नक्षलवादीविरोधात लढणाऱ्या अधिकाऱ्याच्या कुटुंबीयांवर कोरोनाचा हल्ला

नवेखेड : नक्षलवाद्यांशी कडवी (stark-raving) झुंज देणाऱ्या बोरगाव (ता. वाळवा) येथील सहाय्यक पोलिस निरीक्षक रोहित रमेश फारणे यांच्या कुटुंबियांना मात्र कोरोनाने हरविले. अवघ्या सतरा दिवसात त्यांचे आई, वडील व आजोबा कोरोनाने मृत्यूमुखी (covid-19) पडले. रोहित यांनी विद्यार्थी दशेत असल्यापासून कुस्ती करत शैक्षणिक करिअर (educationl career) घडविले. 'जिंकलो तर तिरंगा फडकावून, (hosting indian flag) शहीद झालो तर तिरंग्यातून मागे येणार' या जिद्दीने ते गडचिरोलीत पोलिस उपनिरीक्षक म्हणून रूजू झाले. त्यांनी नक्षलवाद्यांचे आव्हान स्वीकारले. युद्धसदृश परिस्थितीत नक्षलवाद्यांना कंठस्नानही घातले.

नक्षलवादी विरोधी अभियान पथकात तीन वर्षे उत्कृष्ट कामगिरी केल्याबद्दल त्यांना डिसेंबर 2020 मध्ये विशेष सेवा पदक मिळाले. या शौर्याबद्दल त्यांना सहाय्यक पोलिस निरीक्षक म्हणून पदोन्नती मिळाली. एक मे 2021 च्या पोलिस महासंचालक पदकाचे ते मानकरी ठरले. मात्र या सगळ्या लढाई जिंकणाऱ्या ध्येयवादी युवकाच्या कुटुंबाला मात्र कोरोनाने हिरावून घेतले आहे. त्यांच्या कुटुंबावर कोरोनाने जबरदस्त हल्ला केला की, डोळ्यादेखत घरातील आई, वडील व आजोबांचा मृत्यू झाला. घरी वृद्ध आजी एकट्या असल्याने बोरगावसह पंचक्रोशीवर शोककळा पसरली आहे.

हेही वाचा: गवसेत 12 लाखांची गोवा बनावटीची दारू जप्त

रोहितचे आजोबा व जुन्या पिढीतील वारकरी (हभप) रघुनाथ बाबुराव फारणे यांनी कष्टाच्या जोरावर प्रगती केली. बालपनापणापासून त्यांना भजन, गायन, वादनाची आवड होती. हे विकसित करत त्यांनी शास्त्रीय संगीत, कला व वाद्यांचे शिक्षण घेतले आणि गायक बनले. त्यांनी संगीत व सांप्रदायिक भजनात गायन करुन नावलौकिक मिळविला. चरितार्थासाठी त्यांनी अनेक कामे केली. ब्रह्मांनंद महाराज मठ व गणपती मळ्यातील ज्ञानेश्वरी पारायण सोहळ्याच्या संयोजनात ते अग्रभागी असायचे.

त्यांचे सुपुत्र रमेश फारणे यांनी शिक्षण पूर्ण करुन राजारामबापू सहकारी कारखान्यात स्लीप बॉय काम केले. येत्या 30 जूनला ते नियत वयोमानानुसार सेवानिवृत्त होणार होते. सेवा निवृत्तीनंतर तणावमुक्त, निवांत जीवन जगून पत्नी व आई वडिलांसोबत आनंदात रहायचे असे त्यांचे स्वप्न कदाचित नियतीला मान्य नव्हते. २२ एप्रिलला वडिलांचे कोरोनाने निधन झाले. दुसऱ्याच दिवशी आई लक्ष्मी फारणे यांचे निधन झाले. त्यानंतर अवघ्या काही दिवसांत म्हणजे ८ मेला रमेश रघुनाथ फारणे यांचे निधन झाले. कोरोनाने कुटुंबातील आधार उन्मळून पडला.

हेही वाचा: राणादाच्या बायकोची कमाल; सोशल मीडियावर व्हिडिओ करतोय धमाल

रोहितने पोलिस ते एपीआय पदापर्यंतचा प्रवास जिद्दीने पूर्ण केला. त्यांच्या पत्नी वसुंधरा या समाज कल्याण विभाग पुणे येथे कार्यरत आहेत. प्रदीर्घ कष्टानंतर या कुटुंबाला लाभलेले सुखाचे दिवस कोरोनाने हिरावून घतेले.

loading image
go to top