वास्तुशांतीआधीच काळाचा घाला; महाशिवरात्रीदिवशीच घेतला अखेरचा श्वास 

बेळगाव : बांधकाम सुरू असलेल्या इमारतीवर काही कामानिमित्त गेलेल्या एकाचा तोल जाऊन मृत्यू झाला. ही घटना जुने बेळगाव येथे आज सायंकाळी घडली. वामन चौगुले (वय 63) असे मृत झालेल्यांचे नाव आहे. ऐन महाशिवरात्रीदिवशी ही घटना घडल्याने परिसरात दुःखाची छाया पसरली होती. 

हे पण वाचा - विसरलेले लायसन्स मिळाले फेसबुकमुळे, कसे ?

येथील खन्नूकर गल्लीत सुरू असलेल्या आपल्या घराच्या बांधकामावर वामन चौगुले हे काही कामानिमित्त गेले होते. इमारतीच्या पायरीवर पाणी साचले होते. त्यामुळे अचानकपणे तोल जाऊन ते कोसळून खाली पडले. या घटनेत ते जबर जखमी झाले. त्यांच्या कुटुंबीयानी त्यांना तातडीने खासगी रुग्णालयात हलविले. मात्र उपचार सुरू असतानाच 7.30 च्या सुमारास त्यांचे निधन झाले. याबाबत त्यांच्या पत्नी सुमन चौगुले यांनी शहापूर पोलिस स्थानकात फिर्याद दिली असून तोल जाऊन पडल्याने मृत्यू झाल्याची नोंद झाली आहे. चौगुले यांच्या मागे पत्नी, मुलगा, मुलगी असा परिवार आहे. 

हे पण वाचा - हापूस नाव वापरताय, तर मग हे घ्यायलाच हवे

वास्तुशांतीआधीच.... 
चौगुले यांच्या नवीन इमारतीचे बांधकाम सुरू होते. पुढील महिन्यात 21 रोजी वास्तुशांती होती. त्यासाठी अपुरी कामे उरकण्याची लगबग सुरूच होती. त्यापूर्वीच वामन चौगुले यांचे अपघाती निधन झाल्याने चौगुले कुटुंबावर दुःखाचा डोंगर कोसळला आहे.