इस्लामपूरात आणखी एका महिलेला कोरोनाची लागण...

इस्लामपूर (सांगली) : शहरात मुंबईतील साकिनाका येथून आलेल्या 33 वर्षीय महिलेचा कोरोना अहवाल आज रात्री उशिरा पॉझिटिव्ह आला आहे.

तिचे पती मुंबई येथे नोकरी करतात. पती, पत्नी व मुलगा असे तिघे जण मुंबईहून इस्लामपुरात आल्यानंतर कामेरी रस्त्यावरील दत्त टेकडी परिसरातील त्यांच्या नातलगांच्या घरात राहात होते.

हेही वाचा- आरोग्ययंत्रणा धास्तावली ;  खेडमध्ये झाली आशा वर्करला कोरोनाची लागण -

काल त्यांना कोरोनाची लक्षणे जाणवू लागल्यानंतर तिघांनाही समाजकल्याण विभागाच्या डॉ बाबासाहेब आंबेडकर वसतिगृहात इन्स्टिट्युशनल क्वारंटाईन केले होते. कालच स्वब तपासणीसाठी घेतले होते. आज अहवाल पॉझिटिव्ह आला आहे.