पुणे विभागात 18 लाख कोरोना चाचण्यांमधून आढळले 4 लाख बाधित 

प्रमोद बोडके
Monday, 28 September 2020

कालच्या रुग्णसंख्येच्या तुलनेत आज झालेली वाढ 
कालच्या बाधीत रुग्ण संख्येच्या तुलनेत पुणे विभागात बाधीत रुग्णांच्या संख्येमध्ये एकूण 6 हजार 537 ने वाढ झाली आहे. यामध्ये पुणे जिल्ह्यात 4 हजार 180, सातारा जिल्ह्यात 622, सोलापूर जिल्ह्यात 523, सांगली जिल्ह्यात 615 तर कोल्हापूर जिल्ह्यात 597 अशी रुग्ण संख्येमध्ये वाढ झालेली आहे. 

सोलापूर : पुणे महसूल विभागामध्ये आतापर्यत झालेल्या कोरोना चाचण्यांपैकी 18 लाख 20 हजार 844 चाचण्यांचा तपासणी अहवाल प्राप्त झाला आहे. त्यापैकी 4 लाख 15 हजार 914 चाचण्यांचा अहवाल पॉझिटिव्ह आला आहे. (स्थिती 26 सप्टेंबर रात्री 9 पर्यंतच्या आकडेवारीनुसार ) पुणे विभागात आतापर्यंत आढळलेल्या 4 ाख 15 हजार 914 बाधितांपैकी 3 लाख 29 हजार 52 कोरोना बाधित रुग्ण बरे होऊन घरी गेले आहेत. पुणे विभागात सध्या ऍक्‍टीव रुग्ण संख्या 75 हजार 959 इतकी आहे. 10 हजार 903 कोरोनाबाधितांचा मृत्यू झाला असून मृत्यूचे प्रमाण 2.62 टक्के आहे. पुणे विभागामध्ये कोरोना मुक्त होणाऱ्या रुग्णांचे प्रमाण 79.12 टक्के असल्याची माहिती विभागीय आयुक्त सौरभ राव यांनी दिली. 

कोरोना स्थिती पुणे जिल्ह्याची 
पुणे जिल्हयातील कोरोना बाधीत एकूण 2 लाख 73 हजार 12 रुग्णांपैकी 2 लाख 24 हजार 582 रुग्ण बरे होवून घरी गेले आहेत. ऍक्‍टीव रुग्ण संख्या 42 हजार 321 आहे. कोरोनाबाधित एकूण 6 हजार 109 रुग्णांचा मृत्यू झाला आहे. मृत्यूचे प्रमाण 2.24 टक्के इतके आहे तर बरे होणाऱ्या रुग्णांचे प्रमाण 82.26 टक्के आहे. 

कोरोना स्थितीत साताऱ्याची 
सातारा जिल्हयातील कोरोना बाधीत एकूण 34 हजार 609 रुग्णांपैकी 25 हजार 1 रुग्ण बरे होवून घरी गेले आहेत. ऍक्‍टीव रुग्ण संख्या 8 हजार 548 आहे. कोरोनाबाधित एकूण 1 हजार 60 रुग्णांचा मृत्यू झाला आहे. 

कोरोना स्थिती सोलापूरची 
सोलापूर जिल्हयातील कोरोना बाधीत एकूण 31 हजार 812 रुग्णांपैकी 23 हजार 660 रुग्ण बरे होवून घरी गेले आहेत. ऍक्‍टीव रुग्ण संख्या 7 हजार 40 आहे. कोरोनाबाधित एकूण 1 हजार 112 रुग्णांचा मृत्यू झाला आहे. 

कोरोना स्थिती सांगलीची 
सांगली जिल्हयातील कोरोना बाधीत एकूण 33 हजार 447 रुग्णांपैकी 23 हजार 921 रुग्ण बरे होवून घरी गेले आहेत. ऍक्‍टीव रुग्ण संख्या 8 हजार 267 आहे. कोरोनाबाधित एकूण 1 हजार 259 रुग्णांचा मृत्यू झाला आहे. 

कोरोना स्थिती कोल्हापूरची 
कोल्हापूर जिल्हयातील कोरोना बाधीत एकूण 43 हजार 34 रुग्णांपैकी 31 हजार 888 रुग्ण बरे होवून घरी गेले आहेत. ऍक्‍टीव रुग्ण संख्या 9 हजार 783 आहे. कोरोनाबाधित एकूण 1 हजार 363 रुग्णांचा मृत्यू झाला आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: In Pune division, 18 lakh corona tests found 4 lakh infected