Sangali: चांदोली जंगल सफारीने फुलली | Sakal
sakal

बोलून बातमी शोधा

चांदोली जंगल सफारीने फुलली

सांगली : चांदोली जंगल सफारीने फुलली

सांगली : निसर्ग वैभवाने संपन्न असलेल्या सह्याद्री रांगांतील चांदोलीच्या जंगल सफारीला झुंबड उडू लागली आहे. १५ ऑक्टोबरपासून जंगल खुले झाले असून, पहिल्या शनिवार, रविवारी मोठ्यासंख्येने पर्यटकांनी भेट दिली. वाहन, गाईडची सोय असल्याने सफारी आनंददायी आणि सुरक्षित होत आहे. पहाटे लवकर आल्यास गवे, सांबर, भेकर यांचे दर्शन होत आहे. दिवाळीच्या सुटीत संख्या वाढण्याची अपेक्षा वन विभागाने व्यक्त केली आहे.

चांदोली ही जिल्ह्याची प्रमुख संपत्ती आहे. जिल्ह्याच्या पर्यटन विकासाचे तेच मोठे केंद्र आहे. येथे पर्यटकांनी अधिकाधिक आकर्षित व्हावे, यासाठीच्या योजना आखल्या जात आहेत. सध्या येथे प्रचंड वनसंपदा, प्राणी, पक्षी, गुढे पाचगणीचे लगतचे पठार, झोळंबीचा फुलांचा सडा, काही प्राचीन मंदिरे, वारणा नदीवरील धरण अशी मोठी मेजवानीच आहे. जनीचा आंबा, विठलाई मंदिर, झोळंबी, शेवताई मंदिर, पाण्याचा लपणगृह, धनगरवाड्याची वेगळी जीवनशैली अनुभवता येते.

हेही वाचा: जेल की बेल? आर्यन खान 17 दिवसांपासून अटकेत; आज सुनावणी

येथे सध्या १६ जिप्सी गाड्यांची सोय आहे. १५ ते १६ गाईड आहेत. लवकरच आणखी काही तरुणांना प्रशिक्षण दिले जाणार असून, गाईडची संख्या वाढवली जाणार आहे. येथे वारणावतीत जेवणाची उत्तम सोय आहे. काही हॉटेल सुरू झाली आहेत, घरगुती स्वरूपातही जेवण बनवून दिले जाते.

हे महत्त्वाचे

सकाळी ६ ते दुपारी ३ पर्यंत पासची सोय

गुरुवारी जंगलात प्रवेश बंद

वाहन शुल्क- १२०० रुपये

एका वाहनात- ७ लोकांची सोय

माणशी शुल्क- मोठ्यांना ३०, लहानांना १५ रुपये

वाहन प्रवेश शुल्क- १०० रुपये

मोठा कॅमेरा शुल्क- ५० रुपये

जंगल प्रवेश सुरू झाल्यापासून दररोज लोक येत आहेत. शनिवारी, रविवारी चांगली गर्दी होती. दिवाळीच्या सुटीत मोठा प्रतिसाद मिळेल, अशी अपेक्षा आहे. पर्यटन वाढत जाईल, तशा अधिकाधिक सुविधा दिल्या जात आहेत.

- हारुण गार्दी, फॉरेस्ट रेंज ऑफिसर

Web Title: Sangali Chandoli Jungle Travel

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :SangliJungle safari
go to top