Sangli Gas Cylinder : ‘आमचा गॅस सिलिंडर कुणी पळवला?’ ग्राहकांचा संताप एजन्सींचा काळा बाजार, सर्वत्र लागल्या रांगा

सांगली : आखाती देशातील युद्धाचा परिणाम म्हणून देशभर गॅस सिलिंडरची टंचाई निर्माण झाली आहे. केंद्र सरकार काहीही घोषणा करत असले, तर सामान्य ग्राहकांना सिलिंडर मिळवताना डोकेदुखी झाली आहे. .त्याला कारण ठरलाय, गॅस एजन्सींचा काळा बाजार. त्यांनी ग्राहकांच्या परवानगीशिवाय त्यांचे सिलिंडर वेगवेगळ्या तारखांना विकून टाकले आहेत. परिणामी, नियमानुसार, एक महिना भरल्यानंतरच नवा सिलिंडर मिळणार आहे. .Gas Cylinder Shortage : युद्धस्थितीमुळे गॅस भाववाढीची ‘झळ’; सिलिंडर पुरवठ्यावर परिणाम, गृहिणींसह व्यावसायिकांनाही फटका.आता ग्राहक विचारत आहेत, ‘आम्ही सिलिंडर घेऊन दोन महिने उलटले. गेल्या महिन्याचा आमचा सिलिंडर कुणी पळवला?’ या प्रकाराने खळबळ उडाली असून जिल्हा पुरवठा विभाग या स्थितीत काय करणार? एजन्सीची तपासणी होणार म्हणजे नेमके काय, याकडे लक्ष असणार आहे..नेमके प्रकरण काय?आखाती देशात इराण विरुद्ध अमेरिका-इस्त्राईल युद्धाचा भडका उडाला आहे. गॅस पुरवठा विस्कळित झाला आहे. परिणामी, देशभरात आता हॉटेल्ससह व्यावसायिक गॅस सिलिंडर पुरवठा बंद करण्यात आला आहे. घरगुती गॅस पुरवठा सुरळीत राहावा, असा सरकारचा प्रयत्न दिसतो आहे. तोही आता फसला आहे. .Sangli Gas : गॅस सिलिंडर पुरवठा बंद, हॉटेल व्यवसाय संकटात ; चालकांची आज बैठक ग्रामीण भागात चुलींवर स्वयंपाक.कारण, घरगुती सिलिंडरच्या नावाखाली देशभरात होणारा काळाबाजार प्रचंड मोठा आहे. जिल्हा त्याला अपवाद नाही. जिल्ह्यात जागोजागी गॅस सिलिंडरचे डेपो करून काळ्या बाजाराने, अधिक पैसे घेऊन सिलिंडर विक्रीचा कार्यक्रम अनेक वर्षे चालवला जात आहे. काही एजन्सींनी तर अशा दलालांच्या घरी, किराणा दुकानात डेपो बनवले आहेत..प्रकरण फसले कसे?नियमानुसार घरगुती ग्राहकांना दरमहा एक गॅस सिलिंडर घेता येतो. सवलतीच्या दरात वर्षाला १२ सिलिंडर मिळतात. पाच जणांच्या कुटुंबाला स्वयंपाकासाठी हा पुरवठा पुरेसा आहे. काही लहान कुटुंबांमध्ये दोन किंवा तीन महिन्यांतून एक सिलिंडर लागतो. ग्रामीण भागात फक्त चहा बनवणे, दूध तापवणे अशा छोट्या कारणांसाठी गॅस वापरणारे आणि अन्य स्वयंपाक चुलीवर करणारे अनेकजण आहेत..त्यांना तीन-तीन महिन्यांतून एक सिलिंडर लागतो. आता त्यांनी सिलिंडरसाठी नंबर लावला तर त्यांनी कळाले की, आपला या महिन्याचा सिलिंडर कुणीतरी घेतला आहे. कुणी घेतला माहिती नाही. कुणी व कसा दिला, हेही माहिती नाही. .कार्ड तर आपल्याकडे, मग ‘गायब’ कसा झाला? अर्थातच, एजन्सींनी केलेला हा खेळ आहे. ज्यांचे कार्डच नाही, अशांना किंवा जे व्यावसायिक वापरासाठी घरगुती सिलिंडर वापरतात, अशांना हे सिलिंडर दिले जातात. त्यावर ‘अतिरिक्त कमाई’ केली जाते. हे उघड सत्य आहे. आता संकट काळात हा घोटाळा अधिक चर्चेला आला असून ग्राहकांचा संताप या मंडळींना सहन करावा लागत आहे..गॅस सिलिंडर पुरवठ्याची स्थिती व्यावसायिक गॅस सिलिंडर पुरवठा जवळपास बंद हॉटेल्सची टाळेबंदी झाली सुरू घरगुती सिलिंडर पुरवठा सुरळीत असल्याचा दावा वस्तुस्थिती पाहता व्यवस्था अडचणीत सामान्य ग्राहकांचा सिलिंडर मिळवताना जीव रडकुंडीला.एजन्सींवर आता लक्षजिल्हा पुरवठा विभागाने आता एजन्सींवर लक्ष ठेवणार असल्याचे जाहीर केले आहे. घरगुती गॅस पुरवठ्यावर कोणताही परिणाम होऊ नये, यासाठी ही धडपड केली जात आहे. आता तांत्रिकदृष्ट्या जी समस्या निर्माण झाली आहे, त्यावर कसा मार्ग काढणार, हा खरा प्रश्न आहे. या स्थितीत अनेक राजकीय नेते, अधिकारी, बड्या प्रस्थांकडून एजन्सी चालकांना फोन सुरू झाले आहेत. ‘काहीही करा, एक-दोन सिलिंडर द्या,’ अशी विनंती केली जात आहे. परिणामी, एजन्सी मालकांनी मोबाईल ‘स्वीच ऑफ’ ठेवण्याचा किंवा अनोळखी फोनच न उचलण्याचा पर्याय निवडला आहे..जिल्हा प्रशासन ‘ॲक्शन मोड’वरगॅस सिलिंडर टंचाईच्या पार्श्वभूमीवर जिल्हा प्रशासन आता ‘ॲक्शन मोड’वर आले आहे. जिल्हाधिकारी अशोक काकडे यांनी थेट कंपनी अधिकारी, प्रतिनिधींसोबत बैठक घेतली. जिल्ह्यात ‘एलपीजी’चा साठा पुरेशा प्रमाणात उपलब्ध ठेवावा. इंधन पुरवठा सुरळीत ठेवण्याकरिता आवश्यक त्या सर्व उपाययोजना कराव्यात. गॅस एजन्सींची काटेकोर तपासणी करावी, अशा सूचना त्यांनी दिल्या..बैठकीला निवासी उपजिल्हाधिकारी डॉ. स्नेहल कनिचे, प्रभारी जिल्हा पुरवठा अधिकारी आशिष फुलुके, पोलिस निरीक्षक कुरळे, तहसीलदार लीना खरात, सहाय्यक जिल्हा पुरवठा अधिकारी रुपाली सोळंके, जिल्हा आपत्ती व्यवस्थापन अधिकारी रफिक नदाफ आदी उपस्थित होते. ‘आयओसीएल’चे गौतम सागर, ‘एचपीसीएल’चे युवराज राणा व ‘बीपीसीएल’चे सिब्नीथ राणा आदी वरिष्ठ सेल्स ऑफिसर, तसेच जवळपास ५० वितरक दूरदृश्यप्रणालीद्वारे उपस्थित सहभागी झाले होते..फिरती पथके तैनातघरगुती ‘एलपीजी’ सिलिंडरचे सुरळीत वितरण व्हावे, तसेच घरगुती सिलिंडरचा अवैध वापर रोखण्यासाठी जिल्हा स्तरावर दक्षता व फिरते पथक नियुक्त करण्यात आले आहे. या पथकाद्वारे जिल्ह्यातील गॅस एजन्सींची तपासणी सुरू आहे. .आतापर्यंत २१ एजन्सींची तपासणी करण्यात आली आहे. तालुका स्तरावर फिरती पथके स्थापन करण्याची प्रक्रिया सुरू आहे. एजन्सीकडून सिलिंडरचा गैरमार्गाने पुरवठा केल्याचे आढळल्यास अथवा घरगुती ‘एलपीजी’चा वापर व्यावसायिक कारणासाठी होत असल्याचे निदर्शनास आल्यास संबंधितांवर कठोर कारवाई करण्यात येणार असल्याचा इशारा देण्यात आला आहे..किती साठा उपलब्ध..? घरगुती पुरवठ्याचा साठा पुरेसा असल्याची माहिती ‘एचपीसीएल’ कंपनीचा - ८८८ टन साठा सुमारे २३०० टन साठा मार्गावर ‘बीपीसीएल’ कंपनीचा ९५७ टन साठा ‘आयओसीएल’ कंपनीचा ५२ टन साठा उपलब्ध ‘ऑनलाइन’ बुकिंग केलेल्या ग्राहकांना उपलब्धतेनुसारक्रमाने सिलिंडर पुरवठा.जिल्हा पुरवठा विभागामार्फत२४ तास कार्यरत नियंत्रण कक्ष एलपीजी गॅसबाबत तक्रार असल्यास हेल्पलाईन क्रमांक १८००२३३३५५५ इतर अत्यावश्यक वस्तूंच्या पुरवठ्याबाबत तक्रार नोंदविण्यासाठी ०२३३-२६००५००.हॉटेलला कुलपं लागली, स्वयंपाकाला चूल पेटवली सांगली, मिरज, कुपवाड शहर परिसरातील हॉटेल आणि नाश्ता सेंटरला कुलपं लागायला सुरुवात झाली आहे. येथील वर्दळीचे पंचरत्न हॉटेल गुरुवारी सायंकाळीच बंद करण्यात आले. हॉटेल रोहिणीचा गॅस सिलिंडर साठा संपल्याने त्यांनी लवकर कुलूप लावले. अनेक चहागाडे आज उघडलेच नाहीत..दरम्यान, हॉटेल मालक संघटनेचे अध्यक्ष लहू भडेकर यांनीच आपल्या हॉटेलमध्ये आज चूल पेटवली. गॅस सिलिंडर संपले, हॉटेल बंद ठेवून चालणार नाही, त्यावर पर्याय एकच, चूल पेटवणे, अशीच स्थिती आहे. परंतु, शहरातील ‘पॉश’ हॉटेलमध्ये हा पर्याय चालणारा नाही..त्यामुळे त्यांना टाळेबंदीचाच पर्याय निवडावा लागला आहे. व्यावसायिक सिलिंडरचा पुरवठा सुरक्षित होईपर्यंत हॉटेल बंद ठेवावे लागतील, अशी स्थिती आहे. ग्रामीण भागातील ढाबे आणि हॉटेलवर मात्र चूल पेटवण्यात आली आहे. अनेक ठिकाणी लाकडाची मोठी उलाढाल सुरू झाली आहे. .फक्त त्या ठिकाणी देखील ‘फ्राय पॉट’वर जो स्वयंपाक बनवला जातो, त्याची अडचण झाली आहे. त्यामुळे हा पर्याय किती दिवस चालतो, हेही पाहावे लागेल. पंजाबी डिश, चायनिज डिश चुलीवर बनत नाहीत, ही अडचण असल्याचे हॉटेल मालकांनी सांगितले..सांगलीवाडीत सिलिंडरसाठी सकाळपासून रांग लागली होती. गॅस सिलिंडर पुरवठा सुरळीत आहे तर मग नागरिकांना रांगेत का थांबावे लागत आहे? सरकार चुकीची माहिती देत आहे की प्रशासन कोंडी करत आहे, याबाबत स्पष्टता झाली पाहिजे. गॅस सिलिंडरकरिता ग्राहकांची भर उन्हात अशी होरपळ होता कामा नये.- अभिजित कोळी, नगरसेवक.दोन दिवसांपासून संपर्क साधतोय, माझा नंबर लागत नाही. माझ्या नावावरील सिलिंडर आधीच विकला गेलाय. हे असे का झाले, हे सगळ्यांना माहिती आहे. आता मला एक महिन्याने सिलिंडर मिळणार काय? जिल्हा पुरवठा विभागाने अशा प्रकारच्या सिलिंडर चोरीला अटकाव करायला हवा, किमान अशा संकट काळात तरी सामान्य ग्राहकांची अडचण होऊ नये.- नितीन माळी, ग्राहक, सांगली.सर्व ‘एलपीजी’ कंपन्यांच्या विक्री अधिकारी व प्रतिनिधींनी इंधन पुरवठा सुरळीत ठेवण्याबाबत आवश्यक ती दक्षता घेऊन कार्यवाही करावी. वितरण व्यवस्थेवर सतत लक्ष ठेवावे. जिल्ह्यातील सर्व गॅस एजन्सींनी ग्राहकांना वेळेवर व नियमानुसार सिलिंडर पुरवठा करावा.- अशोक काकडे, जिल्हाधिकारी.सर्व ‘एलपीजी’ कंपन्यांच्या विक्री अधिकारी व प्रतिनिधींनी इंधन पुरवठा सुरळीत ठेवण्याबाबत आवश्यक ती दक्षता घेऊन कार्यवाही करावी. वितरण व्यवस्थेवर सतत लक्ष ठेवावे. जिल्ह्यातील सर्व गॅस एजन्सींनी ग्राहकांना वेळेवर व नियमानुसार सिलिंडर पुरवठा करावा.- अशोक काकडे, जिल्हाधिकारी.जिल्हाधिकाऱ्यांनी घेतली ‘एलपीजी’ कंपनीच्या विक्री अधिकारी, प्रतिनिधींची बैठकजिल्ह्यात ‘एलपीजी’चा पुरेसा साठा, अफवांवर विश्वास न ठेवण्याचे आवाहनदक्षता व फिरते पथक नियुक्त, २१ गॅस एजन्सींची तपासणीनियंत्रण कक्ष २४ तास कार्यरत, ग्राहकांच्या शंकांचे निरसन करण्याची सूचना.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Sangli Gas Cylinder : ‘आमचा गॅस सिलिंडर कुणी पळवला?’ ग्राहकांचा संताप एजन्सींचा काळा बाजार, सर्वत्र लागल्या रांगा

Related Stories