आजींच्या लिफ्टचा थरार! चक्क महापालिकेच्या घंटागाडीला लटकून प्रवास I Viral Video | Sakal
sakal

बोलून बातमी शोधा

miraj

आजींच्या लिफ्टचा थरार! चक्क महापालिकेच्या घंटागाडीला लटकून प्रवास

सांगली - जिल्ह्यातील मिरज (Miraj) येथे एका आजीच्या लिफ्टचा थरारक व्हिडिओ (Viral Video) सध्या समोर आला आहे. या आजीने सांगली (Sangli) महापालिकेच्या घंटा गाडीला लटकून प्रवास केल्याचा धक्कादायक प्रकार घडला आहे. मिरजेमध्ये या प्रवासाचा प्रकार घडला आहे. त्यामुळे या घटनेबाबत नागरिकांतून आर्श्चय व्यक्त होत आहे. मिरज शहरातील एका आजीबाईंचा या गाडीला लटकलेला थरारक व्हिडिओ सध्या सोशल मिडियावर व्हायरल (Video Viral) झाला आहे.

हेही वाचा: 24 तासांत 2 लाख 67 हजार रुग्णांची नोंद, मृत्यूही वाढले

मिरज (Miraj) शहरातील स्टेशन चौकातून विजयनगर पर्यंत गाडीला लटकून आजीबाईचा हा लिफ्टचा प्रवास मोबाईल कॅमेऱ्यात कैद झाला आहे. विशेष म्हणजे महापालिकेच्या घंटागाडीला लटकून या आजीबाईंनी प्रवास केला आहे. स्टेशन चौकातून आजीबाईने घंटागाडीला लिफ्ट मागितली आणि त्यानंतर घंटागाडी चालकाने आजीला मागे बसवण्यास सांगितले आणि आजीने गाडीच्या साईडला एका बाजूला उभा राहात तीन ते चार किलोमीटरचा प्रवास केला. यादरम्यान काही नागरिकांना हा प्रकार निदर्शनास आला. त्यांनी मोबाईलमध्ये सदरचा प्रकार चित्रित केला आणि पुढे जाऊन ही गाडी थांबवून घंटागाडी चालकाची चांगलीच कान उघाडणी केली आहे.

हेही वाचा: १६ जानेवारीही हा ‘राष्ट्रीय स्टार्ट-अप दिवस’ : पंतप्रधान

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top