India Corona Update | 24 तासांत 2 लाख 67 हजार रुग्णांची नोंद, मृत्यूही वाढले | Sakal
sakal

बोलून बातमी शोधा

corona update

24 तासात 2 लाख 67 हजार रुग्णांची नोंद, मृत्यूही वाढले

देशात सलग तिसऱ्या दिवशी कोरोनाचा स्फोट झाल्याचं पाहायला मिळतंय. भारतात गेल्या चोवीस तासात 2 लाख 68 हजार 833 नव्या रुग्णांची नोंद झाली आहे. काल (शुक्रवार) सापडलेल्या रुग्णसंख्येत 4 हजार 631 जणांची भर पडली आहे. सध्या देशात 14 लाख 17 हजार 820 अॅक्टिव्ह कोरोना केसेस असून पॉझिटिव्हिटी रेट 16.66 टक्क्यांवर गेला आहे. (India Corona Update)

दिवसेंदिवस दैनंदिन पॉझिटिव्हीटी रेटही वाढत असून ही चिंतेची बाब आहे.काल पॉझिटिव्हीटी रेट हा १४.७८ टक्क्यांवर होता आज तो १६.६६ वर गेला आहे. येणाऱ्या काळात तो आणखी वाढण्याची शक्यता बळावली आहे. दोन दिवसांपूर्वी पॉझिटिव्हिटी रेट ११ टक्क्यांवर होता. तर दुसऱ्या बाजुला ओमिक्रॉनच्या (Omicron) रुग्णांच्या संख्येत वाढ होत आहे.

आतापर्यंत देशात ५ हजार ७५३ जणांना कोरोनाचा नवा व्हेरिअंट ओमिक्रॉनची लागण झाली आहे. आज यामध्ये आणखी वाढ झाल्याचं चित्र आहे. आज देशात ६ हजार ४१ ओमिक्रॉन बाधितांची नोंद झाली आहे. यामध्ये महाराष्ट्रात सर्वाधिक रुग्ण आहेत.

भारतातील मृत्यू वाढले

झपाट्याने सर्वांना लागण होत असल्याने रुग्णांची संख्या वाढत आहे. याचसोबत आज मृत्यू झालेल्यांचा आकडा देखील वाढला आहे. देशात चोवीस तासात ४०२ जणांचा कोरोनामुळे मृत्यू झाला आहे. तर आतापर्यंत देशभरात ४ लाख ८५ हजार ४७२ जणांना प्रण गमवावे लागले आहेत.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top