Sangli Municipal Corporation
Sakal
सांगली : आगामी सांगली, मिरज आणि कुपवाड शहर महानगरपालिका निवडणुकांसाठी प्रारूप प्रभाग रचनेवर आज अखेरच्या दिवशी तब्बल १८६ हरकती दाखल झाल्या. आजअखेर २२९ हरकती दाखल झाल्या आहेत. याआधीच्या निवडणुकीवेळचीच ९९ टक्के रचना कायम ठेवूनही हरकतींचा पाऊस पडला. दरम्यान, या हरकतींवर सुनावणीच्या तारखा लवकरच जिल्हाधिकारी कार्यालयाकडून प्राप्त होतील, असे सांगण्यात आले. २३ सप्टेंबरपूर्वी हरकतींवर सुनावणीची प्रक्रिया पूर्ण करायची आहे. किमान तीन दिवस हरकतींवर सुनावणी चालू शकते.