सांगली : अनुसूचित जातीसाठी अर्ज नूतनीकरण ५ जुलैपर्यंत

सांगली : अनुसूचित जाती प्रवर्गातील २०२१-२२ या शैक्षणिक वर्षासाठी प्रलंबित नूतनीकरण अर्जदारांसाठी; तसेच २०२१-२२ मधील नवीन व नूतनीकरण अर्जदारांसाठी शिष्यवृत्ती, फ्रीशिप, आरएसएमएस, निर्वाह भत्ता या योजनेकरिता अर्ज भरण्यासाठी महा-डीबीटी प्रणालीवर प्रक्रिया सुरू करण्यात आली आहे. ५ जुलैपर्यंत अंतिम मुदतवाढ देण्यात आली आहे.

तरी या योजनेकरिता जास्तीत जास्त विद्यार्थ्यांनी www.mahadbtmahait.gov.in या संकेतस्थळावरून अर्ज भरावेत, असे आवाहन समाज कल्याण विभागाचे सहायक आयुक्त जयंत चाचरकर यांनी केले आहे. जिल्ह्यातील अनुदानित, विनाअनुदानित व कायम विनाअनुदानित सर्व विद्यालये, महाविद्यालयांनी विद्यार्थ्यांचे सर्व योजनांचे अर्ज भरून घ्यावेत, असे श्री. चाचरकर यांनी सांगितले.