भंडाऱ्याच्या उधळणीत रंगला श्री कामसिद्ध बंधू-भेटीचा सोहळा

आंधळगाव - 'कामसिध्दाच्या नावने चांगभले....' या जयघोषाने सारा आसमंत निनादून निघाला होता. यावेळी धनगरी ढोल, मुक्तहस्ताने होणारी भंडाऱ्याची उधळणीत अशा भक्तीमय वातावरणात खुपसंगी (ता.मंगळवेढा) येथे श्री.कामसिध्द बंधू-भेटीचा नयनरम्य सोहळा मंगळवार दि. २९ ऑक्टोबर रोजी सायंकाळी ८.०० वाजता मोठ्या उत्साहात पार पडला. 

भेट सोहळ्यासाठी सांगोला तालुक्यातील सावे व शिरभावी आणी मंगळवेढा तालुक्यातील तळसंगी,खोमनाळ, हिवरगाव तसेच  ह्या पाच गावच्या पालख्या खुपसंगीच्या गावच्या  बंधूभेटीला दाखल झाल्या होत्या.

या बंध-भेटीच्या सोहळ्याकरिता खुपसंगी, सावे, शिरभावी, खोमनाळ, हिवरगाव, तळसंगी, पाठखळ, गोणेवाडी, जुनोनी, आंधळगाव , गणेशवाडी, लेंडवेचिंचाळे, मंगळवेढा व पंचक्रोशीतील भाविक भक्त मोठ्या संख्येने व भक्तीभावाने उपस्थित होते.

श्री. कामसिध्द बंधू-भेटीच्या सोहळ्याची जय्यत तयारी श्री क्षेत्र खुपसंगी येथील यात्रा कमिटीकडून करण्यात आली होती . दुसऱ्या दिवशी  बुधवारी दि. ३० रोजी दिवसभर गजी ढोल व देवास नैवद्य दाखवले जातात .रात्री ९ वाजता आर्केस्ट्रा मधुर कोल्हापुर यांचा कार्यक्रम होणार असुन. गुरुवार दि.३१ रोजी श्री क्षेत्र खुपसंगी येथील मोठ्या बंधूस भेटावयास अलेल्या लहान भावंडाना दुपारी ३.०० वाजता मोठ्या भक्ती भावाने व जल्लोष्यात निरोप दिला जातो.