सोलापूर: धाराशिव जिल्ह्यातील १७ वर्षे चार महिन्यांच्या अल्पवयीन मुलाने सोलापूर शहरात येऊन तीन घरफोड्या केल्या व एक दुचाकी लंपास केली. शहर गुन्हे शाखेचे सहायक पोलिस निरीक्षक नीलेश पाटील सोनवणे यांच्या नेतृत्वातील पथकाने त्या विधीसंघर्षग्रस्त अल्पवयीन मुलाला पकडले आहे. त्याच्याकडील चोरीच्या गुन्ह्यातील दुचाकी व ३२ ग्रॅम सोने आणि एक लाख ११ हजार ५५० रुपयांचा ऐवज चोरल्याची बाब पोलिस तपासात समोर आली आहे.