
सोलापूर : महादेवी हत्तीण परत मिळविण्यासाठी कोल्हापूरकरांचा सुरू असलेल्या लढा पाहता एकेकाळी सोलापूर जिल्ह्यातही अनेक ठिकाणी प्रथा परंपरासह धार्मिक कार्यात हत्तीचा वापर होत असल्याचे पुरावे आहे. येथील भुईकोट किल्ल्यातील मुख्य दरवाजा हत्तीदरवाजा म्हणून ओळखला जातो. तर किल्ल्यात प्रशस्त असा हत्तीखाना आजही आहे. हत्तीचा वापर करून सिद्धेश्वर तलावातून पाणी उपसण्याची मोट देखील किल्ल्यात आहे.