मोहोळ - मोहोळ नगर परिषदेने वाढविलेल्या भरमसाठ विविध करवाढीला स्थगिती मिळावी, अशी मागणी शिंदे सेनेचे जिल्हाप्रमुख चरणराज चवरे व मोहोळ चे माजी नगराध्यक्ष रमेश बारसकर यांनी राज्याचे उपमुख्यमंत्री तथा नगर विकास मंत्री एकनाथ शिंदे यांच्याकडे केली आहे. .मोहोळ हे सुमारे 45 हजार लोकसंख्येचे शहर असून, राष्ट्रीय महामार्ग, पालखी मार्ग, जिल्हा मार्ग शहरातून गेल्याने अनेकांना ते सोयीचे आहे. अनेक शासकीय अधिकारी सेवानिवृत्त झाल्यानंतर ते मोहोळला स्थायिक होणे पसंत करतात. मोहोळ ग्रामपंचायतचे रूपांतर नगरपरिषदेत झाले सध्या नगर परिषदेवर प्रशासक आहे. नगरपरिषद प्रशासनाने सर्वसामान्य व्यापारी व अन्य व्यावसायिक यांचा विचार न करता भरमसाठ कर वाढ केली आहे त्यापैकी काही वसुली ही सुरू आहे..मात्र कर वाढीच्या प्रमाणे सोयी सुविधा मिळत नाहीत. मोहोळ शहरात 243 व्यापारी गाळे आहेत. लोकनियुक्त बॉडी नसताना नगरपरिषदेने केलेली करवाढ सर्वसामान्य नागरिक, व्यापारी यांना त्रासदायक ठरत आहे. अनेक छोट्या व्यवसायिकांचा नगर परिषदेचा कर भरण्या इतपत व्यवसायही होत नाही..त्यामुळे ते त्रस्त झाले आहेत, व्यवसायावर परिणाम झाला आहे. मोहोळ हे तालुक्याचे ठिकाण असल्याने प्रत्येक रविवारी मोहोळचा आठवडे बाजार भरतो. त्यावर छोट्या व्यापाऱ्यांचा उदरनिर्वाह चालत होता. मात्र गावोगावी आठवडा बाजार सुरू झाल्याने मोहोळ चा बाजार मोडकळीस आला आहे..पंढरपूर नगरपरिषद प्रशासनाने ही अशीच करवाढ केली होती, मात्र मनसेचे नेते दिलीप धोत्रे यांनी तत्कालीन मुख्यमंत्री एकनाथ शिंदे यांच्या कडून करवाढीला स्थगिती मिळवून सर्वसामान्य नागरिकांना दिलासा दिला आहे. त्याच धर्तीवर मोहोळच्या करवाढीला स्थगिती मिळावी अशा मागणीची निवेदन उपमुख्यमंत्री शिंदे यांना दिले आहे. तसेच मोहोळच्या करवाढ रद्द बाबतचे निवेदन आमदार राजू खरे यांनाही दिले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
