Solapur Corona Update : जिल्ह्यात कोरोनाचे पाच हजार ॲक्‍टिव्ह रुग्ण | Sakal
sakal

बोलून बातमी शोधा


Corona Patient
सोलापूर : जिल्ह्यात कोरोनाचे पाच हजार ॲक्‍टिव्ह रुग्ण

सोलापूर : जिल्ह्यात कोरोनाचे पाच हजार ॲक्‍टिव्ह रुग्ण

सोलापूर : कोरोनाच्या तिसऱ्या लाटेत सद्यस्थितीत पाच हजार ११ सक्रिय रुग्ण आहेत. त्यातील बहुतेक रुग्णांना कोरोनाची कोणतीही लक्षणे नसल्याने त्यांच्यावर त्यांच्याच घरी उपचार सुरु आहेत. शहरातील दोन हजार २०७ पैकी ९४२ रुग्ण होम आयसोलेशनमध्ये आहेत. तर ग्रामीणमधील दोन हजार ८०४ रुग्णांपैकी बहुतेक रुग्ण त्यांच्या घरी राहून उपचार घेत आहेत.

हेही वाचा: पैसे कोणी मागितले! ग्लोबल टिचर डिसलेंना द्यावे लागणार उत्तर, अन्यथा...

कोरोनाचा संसर्ग आता कमी होऊ लागला आहे. ग्रामीणमधील एक हजार ६३१ संशयितांमध्ये रविवारी (ता. ३०) २९३ व्यक्‍तींचे रिपोर्ट पॉझिटिव्ह आले आहेत. बहुतेक रुग्णांना कोणतीही लक्षणे नाहीत. दिलासादायक बाब म्हणजे त्यातील अधिकजण प्रतिबंधित लस घेतलेलेच आहेत. दुसरीकडे शहरातील एक हजार १०७ संशयितांमध्ये ८० व्यक्‍ती कोरोना बाधित आढळले आहेत. शहरातील दाराशा, रामवाडी व सोरेगाव नागरी आरोग्य केंद्राअंतर्गत चाचणी केलेल्यांमध्ये सर्वाधिक बाधित आहेत. ग्रामीणमधील पंढरपूर तालुक्‍यात सर्वाधिक ६७, बार्शी तालुक्‍यात ४९ तर माळशिरस तालुक्‍यात ४८ नवीन रुग्णांची भर पडली आहे. दिलासादायक बाब म्हणजे उत्तर व, दक्षिण सोलापूर, मोहोळ आणि अक्‍कलकोट तालुक्‍यातील संसर्ग कमी होऊ लागला आहे. रविवारी एकही रुग्ण कोरोनाचा बळी ठरलेला नाही.

हेही वाचा: "राहुल गांधी हे फेक गांधी, भाजपचं करतंय महात्मा गांधींच स्वप्न पूर्ण"

म्युकरमायकोसिसपासून दिलासा

जिल्ह्यात आतापर्यंत म्युकरमायकोसिस झालेल्या रुग्णांची संख्या ७०६ झाली आहे. त्यातील १०७ रुग्ण दगावले, परंतु ६०९ रुग्णांनी त्या गंभीर जीवघेण्या आजारावर मात केली. शहर-ग्रामीणमधील ३५ रुग्णालयांमधून त्यांच्यावर उपचार झाले. सद्यस्थितीत तीन रुग्ण उपचार घेत आहेत. मागील काही दिवसांत या आजाराचे रुग्ण वाढलेले नाहीत.

Web Title: Five Thousand Active Patients Of Corona Solapur

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top