सोलापूर : जिल्ह्यातील ६२ हजार बेघर लाभार्थींना १५ हजार रुपयांचा पहिला हप्ता महिन्यापूर्वी मिळाला. पण बांधकाम साहित्य महागले, मोफत वाळू मिळत नसल्याने सुमारे १० हजार लाभार्थींना बांधकामेच सुरू केलेली नाहीत. दुसरीकडे जिल्ह्यातील नऊ हजार ७०० लाभार्थींना स्वप्नातील घर बांधकामासाठी स्वत:ची जागा नाही. त्यांना जागा उपलब्ध करून देण्याची कार्यवाही सुरू असल्याची माहिती जिल्हा ग्रामीण विकास यंत्रणेतील वरिष्ठ अधिकाऱ्यांनी दिली.