एका शेतकरी दाम्पत्याने कीटकनाशक प्राशन करून आत्महत्या केल्याची घटना खंडाळी (ता. मोहोळ) येथे गुरुवारी (ता. 7) मध्यरात्रीनंतर घडली.
मोहोळ (सोलापूर) : एका शेतकरी दाम्पत्याने कीटकनाशक प्राशन करून आत्महत्या केल्याची घटना खंडाळी (ता. मोहोळ) येथे गुरुवारी (ता. 7) मध्यरात्रीनंतर घडली. पोपट बाबूराव मुळे (वय 65), कमल पोपट मुळे (वय 56) अशी आत्महत्या केलेल्या पती - पत्नीचे नाव आहे.
पोलिसांकडून मिळालेल्या माहितीनुसार, पोपट मुळे व कमल मुळे हे पती - पत्नी खंडाळी येथे शेती करतात. गुरुवारी सायंकाळी चार वाजता घरातून अज्ञात कारणावरून दोघे पती-पत्नी घरातून बाहेर पडले. रात्र झाली तरी दोघेही घरी न आल्याने नातेवाइकांनी रात्रभर शोधाशोध केली मात्र ते मिळून आले नाहीत.
दरम्यान, सकाळी पुन्हा नातेवाइकांनी शोध घेतला असता एका नातेवाइकाला दोघेही पती-पत्नी टोमॅटो प्लॉटमधील लिंबाच्या झाडाखाली अगदी थोड्या थोड्या अंतरावर मृतावस्थेत आढळून आले. त्यांच्या तोंडाला फेस आला होता तर कसला तरी कीटक नाशकाचा वास आल्याचे त्या नातेवाइकांनी सांगितले. या घटनेची खबर बाळू केरु मुळे (रा. खंडाळी) यांनी मोहोळ पोलिसात दिली असून, अधिक तपास हवालदार चंद्रकांत आदलिंगे करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.