सोलापूर : सोलापूर जिल्हा गावागावात सहजपणे मिळणाऱ्या हातभट्टीमुळे राज्यभर ओळखला जातो. आई-वडिलांची म्हातारपणाची काठी म्हणजेच तरुण मुले हातभट्टीच्या आहारी जात आहेत. गावात पोलिस गेल्यावर त्यांना ते तरुण रस्त्यात कोठेही पडलेले दिसतात. तरीसुद्धा, अवैध हातभट्टीची विक्री खुलेआम सुरू आहे हे विशेष. पती हातभट्टीच्या व्यसनातून आजारी पडून मृत झाला आणि आता मुलगाही त्याच वाटेवर असल्याची व्यथा दक्षिण सोलापुरातील विंचूर गावातील विधवा महिलेने ‘सकाळ’कडे मांडली.