‘कसाब बिर्याणी मागतोय’ हा ‘माझाच फंडा’! खासदार ॲड. उज्ज्वल निकम; प्रकट मुलाखतीत उलगडले अनेक किस्से..

सोलापूर: पद्मश्री खासदार ॲड. उज्ज्वल निकम यांनी बुधवारी रंगभवन येथे ''जळगाव ते दिल्ली व्हाया मुंबई'' प्रकट मुलाखतीत एका थरारक न्यायालयीन प्रवासाचा अनुभव दिला. माधव देशपांडे यांनी घेतलेल्या या मुलाखतीत, ''कायद्याचा डॉन'' म्हणून ओळखल्या जाणाऱ्या ॲड. निकम यांनी कसाबची बिर्याणी हा माझाच फंडा असल्याचे सांगितले. यावेळी त्यांनी देशाप्रती कर्तव्य, दहशतवादी खटले आणि आयुष्यातील महत्त्वपूर्ण घडामोडी वेगवान शैलीत उलगडल्या.