यामुळे झाली लॉकडाऊन नंतर मोबाईल विक्रीत वाढ 

सोलापूर : कोरोनाचा प्रादुर्भाव वाढत असल्याने सध्या देशातील सर्व शाळा, महाविद्यालय, खासगी कोचिंग क्‍लासेस चालकांनी ऑनलाइनद्वारे शिक्षण देण्यास सुरवात केल्याने स्मार्टफोनला मोठ्या प्रमाणावर मागणी वाढली आहे. त्याचबरोबर भारतीय बनावटीच्या मोबाईलला जास्त मागणी असल्याचे दिसून येत आहे. 
लॉकडाउनमुळे सर्वच मोबाईल कंपन्यांचे उत्पादन बंद होते. आता सुरू असले तरी 30 ते 40 टक्के कामगारांवर उत्पादन सुरू असल्याने ज्या प्रमाणात मागणी आहे त्या प्रमाणात पुरवठा होत नाही. तसेच सध्या भारतीय बनावटीच्या मोबाईलला जास्त मागणी आहे. सध्या कोरोनाच्या वाढत्या प्रादुर्भावामुळे शाळा, महाविद्यालय, खासगी कोचिंग क्‍लासेस चालकांनी ऑनलाइनद्वारे शिक्षण देण्यास सुरवात केली असल्याने मोबाईलला मागणी वाढली आहे. मात्र, मोबाईलमधील काही पार्ट चायना बनावटीचे आहेत. यावर केंद्र सरकार आणि राज्य सरकारने पर्याय देणे गरजेचे आहे. लॉकडाउनमुळे गेल्या दोन महिन्यांपासून मोबाईलची सर्व दुकाने बंद असल्याने काही जणांचे चार्जर, बॅटरी आणि अतिवापरामुळे मोबाईल बंद पडले आहेत. त्यामुळे दुरुस्तीसाठीही ग्राहकांची मोठी गर्दी सध्या बाजारात पाहावयास मिळत आहे. 

हेही वाचा : होम डिलीव्हरीची हाऊस फिटली, कारण वाचा...

सरकारने चायना मोबाईला पर्याय द्यावा 
मोबाईलच्या क्षेत्रात सध्या हॅन्डसेटमधील काही पार्ट चायनाचे आहेत, तर काही भारतीय बनावटीचे आहेत. मात्र, भारतीय बनावटीच्या मोबाईलला जास्त मागणी आहे. त्यामुळे केंद्र सरकार व राज्य सरकारने याबाबत विचार करून पर्यायी व्यवस्था करावी म्हणजे चायनाचे मोबाईल बाजारातून हद्दपार होतील. 
- महेश चिंचोळे, 
मोबाईल रिटेलरल असोसिएशन अध्यक्ष 

हेही वाचा : ग्रामीण भागातील कोरोनाने मृत पावलेल्या व्यक्तींना इतरही आजार 

ऑनलाइन टिचींगमुळे मागणी जास्त 
सध्या ऑनलाइन टीचिंगमुळे मोबाईलला जास्त मागणी आहे. मात्र, लॉकडाउनमुळे मोबाईलचे उत्पादन करणाऱ्या कंपन्या बंद होत्या. त्यामुळे हॅन्डसेटचे उत्पादन झाले नाही. आता मागणी जास्त असली तरी पुरवठा कमी आहे. 
- पंकज फाटे, 
मोबाईल व्यावसायिक 

मार्यादित कामगार असल्याने उत्पादन कमी 
मोबाईलची मागणी जास्त आहे. मात्र, मोबाईल तयार करणाऱ्या कंपन्यांत सध्या 30 टक्के कामगारांवर काम चालू असल्याने पुरवठा कमी होत आहे. यामुळे हॅन्डसेटचा स्टॉक कमी झाला आहे. त्यामुळे बाजारात येणारे ग्राहक परत जात आहेत. 
- महम्मदजाफर शेख, 
मोबाईल व्यावसायिक