माढा (सोलापूर) : गाळे विकण्याच्या कारणावरून वडिलांचा मुलानेच तोंड व गळा दाबून खून केल्याची खळबळजनक घटना अंजनगाव उमाटे (ता. माढा) येथे शुक्रवारी (ता. 31) घडली. मुलानेच वडिलांचा खून करण्याची माढा तालुक्यातील या पंधरवड्यातील ही दुसरी घटना आहे.
याबाबत माढा पोलिसांनी दिलेली माहिती अशी, की अंजनगाव उमाटे येथील गाळे विकण्याच्या कारणावरून मुलगा व वडिलांचे भांडण झाले. वडील रमेश विठ्ठल माळी (वय 50) हे "मी गाळे विकणारच' असे म्हणाल्याच्या कारणावरून चिडलेला मुलगा गणेश रमेश माळी (वय 23) याने वडील रमेश यांच्या मानेवर बुक्कीने मारहाण केली. वडील खाली पडल्यानंतर त्यांचा गळा, नाक व तोंड दाबून त्यांना जिवे ठार मारले, अशी तक्रार मृत रमेश माळी यांची पत्नी अंजना रमेश माळी हिने माढा पोलिसांत दाखल केली आहे.
हेही वाचा : राष्ट्रवादीसोबत हुकतेच शिवसेनेच्या सत्तेचे टायमिंग, सोलापूरच्या शिवसेना जिल्हाप्रमुखांची व्यथा
याबाबत पुढील तपास सहायक पोलिस निरीक्षक अमुल कादबाने हे करीत आहेत. माढा तालुक्यात या पंधरवड्यापूर्वी शिराळ (टेंभुर्णी) येथेही मुलाने वडिलाचा खून केल्याची घटना घडली होती. ही घटना ताजी असतानाच शुक्रवारी घडलेल्या या दुसऱ्या घटनेतही मुलाने वडिलाचा खून केला. या दोन्ही घटनांमुळे माढा तालुका हादरून गेला आहे.
संपादन : श्रीनिवास दुध्याल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
