सोलापूर : सोलापूर महापालिका ही डिजिटल सुविधांमध्ये महत्त्वपूर्ण योगदान देत असून, १६४ पैकी ११६ सेवा ऑनलाइनद्वारे दिल्या जात आहेत. या सुविधा आणखी सहजसोपी करण्यासाठी महापालिका प्रशासनाकडून व्हॉट्‌सॲप चॅट सुविधा सुरू करण्यात आली आहे. या सेवांमध्ये प्रथमच अंत्यविधीसाठी आवश्यक खड्डा खोदण्याची सोय देखील महापालिकेने दिली आहे. त्यामुळे जन्मापासून मृत्यूपर्यंत लागणाऱ्या सर्व सुविधा महापालिकेने ऑनलाइन केल्या आहेत.