पंढरपूर: आगामी जिल्हा परिषद, नगरपालिका आणि महापालिका निवडणुकीत महायुती म्हणून आम्ही लढण्यास तयार आहोत. पण, ज्या ठिकाणी राष्ट्रवादी काँग्रेसची ताकद आहे, त्या त्या ठिकाणी राष्ट्रवादी स्वबळावर निवडणूक लढण्यास सज्ज असल्याचे विधान राष्ट्रवादी काँग्रेसचे आमदार अमोल मिटकरी यांनी केले आहे. निवडणुकांपूर्वीच महायुतीच्या नेत्यांनी स्वबळाची भाषा सुरू केली आहे. आमदार मिटकरी आज श्री विठ्ठल रुक्मिणी दर्शनासाठी पंढरपुरात आले होते. यावेळी त्यांनी माध्यमांशी संवाद साधला.