सोलापूर: होटगी रोड विमानतळाच्या १०६ एकर जमिनीवर अतिक्रमण असून या अतिक्रमणधारकांचे खटले न्यायालयात सुरू आहेत. तसेच नाईट लॅंडिंगची आवश्यक उपकरणे बसविण्यासाठी ५० एकर जागेची आवश्यकता आहे. त्यामुळे होटगी रोडचा नाद सोडून राज्य शासन रखडलेले बोरामणी विमानतळ सुरू करण्यासाठी प्रयत्नशील आहे. बोरामणी येथे वन विभागाची ३३ हेक्टर जमीन निर्वनीकरण करून मिळत नसल्याने पूर्वी विमानतळासाठी संपादित केलेली दीड हजार एकर जमीन पडून आहे.